Foto: Westernjournalism.com

AQŞ Ükimeti "Exxon Mobil" mwnay koncernin Reseyge salınğan sankciyalarğa qaramastan, "Rosneft'" kompaniyasınıñ basşısı Igor Seçinmen kelisimşart jasasqanı üşin ayıptap, 2 mln dollar köleminde ayıppwl saldı. Mwnay koncerni atalğan ayıptaularmen kelispey, AQŞ Ükimetine qarsı Sotqa şağım tüsirdi. Bwl turalı New York Times gazeti jazadı. 

Ötken jılğı tabısı 7, 84 mlrd dollardı qwrağan "Exxon Mobil" kompaniyası üşin 2 mln dollar ayıppwldı töleu qiınğa soqpaytını anıq. Degenmen bwl dauda jeñiske jetu kompaniyanıñ bedeli üşin mañızdı bolıp otır.

2014 jılı AQŞ Ükimeti Reseydiñ Qırımdı annekciyalauına baylanıstı oğan qarsı birqatar ekonomikalıq jäne diplomatiyalıq sankciyalar engizgen bolatın. Resey azamattarınıñ esimderi qamtılğan qara tizimde "Rosneft'" kompaniyasınıñ basşısı Igor' Seçin de bolğan. AQŞ-tıñ Qarjı ministrliginiñ şet eldik aktivterdi baqılau basqarmasınıñ mälimetinşe, "Exxon Mobil" kompaniyası 2014 jıldıñ 14-23 mamırı aralığında Igor' Seçinmen 8 qwjatqa  qol qoyğan.

"Exxon Mobil" kompaniyası öz mälimdemesinde, Igor' Seçin qara tizimde tek fizikalıq twlğa esebinde boldı, jäne atalğan sankciya bwl jağdayda onıñ jeke aktivterine ğana qoldanıluı kerek, al kompaniyamen kelissöz jürgizu şekteulerden tıs närse dep esepteydi. Olardıñ aytuınşa, sol kezdegi Barak Obamanıñ äkimşiligi däl osınday tüsindirme bergen.

Bwl şielenistiñ tağı bir qızıq twsı, "Rosneft'" kompaniyasımen  daulı kelisimşarttar jasalğan twsta, "Exxon Mobil" mwnay koncernin AQŞ-tıñ qazirgi memlekettik hatşısı Reks Tillerson basqarğan. Donal'd Tramptıñ äkimşiligi memlekettik hatşınıñ bwrınğı "qatelikteri" turalı äli resmi mälimdeme jasağan joq.

“The Qazaq Times”