Foto: Kapital.kz

Keşe QR densaulıq saqtau ministri Eljan Birtanov pen "Talap" qoldanbalı zertteuler ortalığınıñ direktorı, ekonomist Raqım Oşaqbaev "Habar" telearnasında mindetti äleumettik medicinalıq saqtandıruğa qatıstı teledebat wyımdastırdı. 

Raqım Oşaqbaevtıñ sözinşe, MÄMS salıqtıñ jaña türi ğana.

"Siz ay sayın mindetti äleumettik medicinalıq saqtandıru deytin qorğa mililiondağan qazaqstandıqtan 1,5 mıñ teñgeden jinağıñız keledi. Mwnı saqtandıru qorı dep atap otırsız, al men olay demes edim... Bwl jay ğana tölem, bwl salıq", - dedi ekonomist.

Sonday-aq, ol MÄMS ayasında qarajattıñ baqılanuına qatıstı mäselelerdi ayta kelip, medsaqtandıru qorı BJZQ-nıñ ekinşi bir türi, byudjetten tıs qwrılğan kezekti qor ekenin atap ötti.

Al ministr Eljan Birtanov öz kezeginde MÄMS eñ aldımen Qazaqstannıñ densaulıq saqtau jüyesindegi qarjı twraqtılığın qamtamasız etu maqsatında qwrılğanın ayttı.

Skrinşot youtube.com

"Bizde halıq qartayıp baradı, balalardıñ ülesi köbeyip keledi. Auru türleri de özgergen, sozılmalı aurulardıñ körsetkişi joğarı. Sondıqtan biz osığan qarajattı qaydan alatınımızdı oylanuımız kerek. Birinşi kezekte MÄMS densaulıq saqtau jüyesindegi qarjı twraqtılığın qamtamasız etuge bağıttalğan", - dedi Eljan Birtanov.

Ministrdiñ aytuınşa, Qazaqstanda densaulıq saqtau jüyesine jwmsalğan qarjı Jalpı işki önimniñ 1,9 payızın qwraydı. Osı sebepti qarjı tabudıñ jaña közi qajet äri halıqtıñ ortaq jauapkerşiligi kerek.

"Özimizdiñ densaulığımız ben bolaşağımız üşin osı qarajattı jinau kezinde halıq arasında ortaq jauapkerşilik bolu kerek jäne men mwnı qalıptı täjiribe dep esepteymin", - dedi Eljan Birtanov.

Ayta keteyik, jwmıs beruşiler MÄMS jüyesi boyınşa jarna töleudi osı jıldañ şilde ayında bastap ketti. Al jeke qızmetkerler 2019 jıldıñ 1 qañtarınan bastap jarna töley bastaydı.

“The Qazaq Times”