Qazaqstan Respublikası Investiciyalar jäne damu ministri Jeñis Qasımbek Wlıbritaniya Birikken Korol'digi men Soltüstik Irlandiyanıñ Sauda jäne investiciyalar ministri Greg Hendspen kezdesti, dep habarladı ministrliktiñ baspasöz qızmeti. 

Ministrliktiñ mälimetinşe, Wlıbritaniya - tauar aynalımı boyınşa Qazaqstannıñ eñ iri 10 seriktesiniñ qatarına kiredi, sonday-aq, Qazaqstanğa eñ köp investiciya äkeletin üzdik altı eldiñ qatarında. Wlıbritaniya soñğı 12 jıl işinde Qazaqstanğa jalpı kölemi 12,1 mlrd dollardı qwraytın tikeley investiciya salğan (2005 jıldan 2017 jıldıñ birinşi toqsanına deyingi körsetkiş boyınşa tikeley investiciya kölemi 12 278,2 mln AQŞ dolların qwraydı). Bwl - Qazaqstanğa tartılğan jalpı şeteldik investiciyanıñ 5%-ı.

Al 2017 jıldıñ qañtar-säuir aylarında Qazaqstan men Wlıbritaniya arasındağı tauar aynalımı 422,6 mln AQŞ dolların qwradı. Bwl 2016 jıldıñ däl osı kezeñimen salıstırğanda 26,6%-ğa joğarı (333,7 mln AQŞ dolları)

Sonday-aq, ezdesude Qıtay-Qazaqstan-Wlıbritaniya arasın baylanıstıratın «Wlı Jibek jolı» ekonomikalıq beldeuin jüzege asıruda birlesip jwmıs atqaru üşin üşjaqtı kelisim ornatu mäselesi söz boldı.

Qazirgi kezde Qazaqstan territoriyası arqılı Qıtay men Europanıñ arasında 15 tranzittik konteynerlik poyız jüredi. Ötken jılı «Qıtay-Europa-Qıtay» bağıtındağı tranzittik konteynerler tasımalı 104,5 mıñğa jetip, 2015 jılmen salıstırğanda eki esege artqan (49,9 mıñ konteyner).