Foto: korrespondent.net

Bügin Bryussel'de Wlıbritaniyanıñ Euroodaqtan şığuına arnalğan alğaşqı köpkündik kelissözder bastaldı. Künniñ alğaşqı böliginde Europa komissiyasınıñ bastı kelissöz jürgizuşi twlğası - Mişel' Barn'e men Wlıbritaniyanıñ Euroodaqtan şığu mäselesi jönindegi ministri Devid Devis kezdesip, birqatar mañızdı mäselelerdi talqıladı. 

Kelissözder barısında Brexit jobası jüzege asqannan  keyin, Europa memleketteri azamattarınıñ Wlıbritaniyağa kelip-ketuin kedendik retteu, Euroodaqtıñ qwramında qalatın, biraq Wlıbritaniyanıñ qwramına kiretin Irlandiyamen şekara mäselesi, Eurokomissiyanıñ qarjılıq talaptarı söz bolıp, ortaq kelisimderge kelu josparlanğan. Brexit mäselesi boyınşa otırıstar osı aptanıñ beysenbi künine deyin jalğasadı.

Kezdesuden bwrın Mişel' Barn'e: "Biz eki jaqtı tiimdi kelisimge qol jetkizu kerekpiz" dese, Devid Devis: "Wlıbritaniya men Euroodaq arasındağı kelispeuşilikterdi anıqtap, olardı şeşuge jwmıs isteu kerek", - dep, atap ötti.

“The Qazaq Times”