فوتو: korrespondent.net

بۇگىن بريۋسسەلدە ۇلىبريتانيانىڭ ەۋرووداقتان شىعۋىنا ارنالعان العاشقى كوپكۇندىك كەلىسسوزدەر باستالدى. كۇننىڭ العاشقى بولىگىندە ەۋروپا كوميسسياسىنىڭ باستى كەلىسسوز جۇرگىزۋشى تۇلعاسى - ميشەل بارنە مەن ۇلىبريتانيانىڭ ەۋرووداقتان شىعۋ ماسەلەسى جونىندەگى ءمينيسترى دەۆيد دەۆيس كەزدەسىپ، بىرقاتار ماڭىزدى ماسەلەلەردى تالقىلادى. 

كەلىسسوزدەر بارىسىندا Brexit جوباسى جۇزەگە اسقاننان  كەيىن، ەۋروپا مەملەكەتتەرى ازاماتتارىنىڭ ۇلىبريتانياعا كەلىپ-كەتۋىن كەدەندىك رەتتەۋ، ەۋرووداقتىڭ قۇرامىندا قالاتىن، بىراق ۇلىبريتانيانىڭ قۇرامىنا كىرەتىن يرلانديامەن شەكارا ماسەلەسى، ەۋروكوميسسيانىڭ قارجىلىق تالاپتارى ءسوز بولىپ، ورتاق كەلىسىمدەرگە كەلۋ جوسپارلانعان. Brexit ماسەلەسى بويىنشا وتىرىستار وسى اپتانىڭ بەيسەنبى كۇنىنە دەيىن جالعاسادى.

كەزدەسۋدەن بۇرىن ميشەل بارنە: ء"بىز ەكى جاقتى ءتيىمدى كەلىسىمگە قول جەتكىزۋ كەرەكپىز" دەسە، دەۆيد دەۆيس: "ۇلىبريتانيا مەن ەۋرووداق اراسىنداعى كەلىسپەۋشىلىكتەردى انىقتاپ، ولاردى شەشۋگە جۇمىس ىستەۋ كەرەك", - دەپ، اتاپ ءوتتى.

“The Qazaq Times”