Foto: Kazinform

Qazaqstan bankteriniñ jağdayı qiınday bastadı. Osı jıldıñ mamır ayında tölem merzimi 90 künnen asıp ketken qarızdardıñ kölemi birden 39,5 payızğa köbeyip, 1,7 trln teñgeni qwradı, dep habarlaydı Ranking.kz agenttigi. 

Agenttiktiñ mälimetinşe, "naşar" kreditterdiñ köleminiñ bir ayda bwlay jıldam ösip ketui  2008 jıldan beri tirkelmegen. Bwğan deyingi rekordtı körsetkiş 2009 jıldıñ säuir ayında tirkelgen. Bwl jılı tölem merzimi 90 künnen asıp ketken kredit 25,5payızğa artqan.

Qazirgi kezde jalpı qarız portfelindegi "naşar" kreditterdiñ ülesi 8 payızdan 11,1 payızğa deyin artqan.

Al ekinşi deñgeyli bankter arqılı berilgen kredit kölemi joğarğı nätijege ie bolıp otırğan joq. Sebebi mamır ayında bankterdiñ qarız portfeli bar bolğanı 0,7 payızğa ğana köbeygen. Bir jıl işinde ekonomikağa berilgen kredit kölemi 1,6 payızğa össe, al naşar qarızdar kölemi 35,7 payızğa ösip ketken.

Negizi QR bankteriniñ kredittik portfel' jağdayınıñ qiındauına Delta Bank balansındağı 68,4 payız qarızdıñ sapasız dep tanıluı äser etti. Ayta keteyik, Wlttıq bank 2017 jıldıñ 21 mausımdağı qaulısına säykes, "Delta Bank" AQ-nıñ jeke jäne zañdı twlğalarğa şot aşu, depozit qabıldauğa qatıstı licenziyasın 2017 jıldıñ 3 tamızına deyin toqtata twru turalı şeşim qabıldağan.

 “The Qazaq Times”