Şinhua agenttiginiñ 8 şildedegi Beyjiñnen bergen habarında,  zertteuşiler wyalı telefonnıñ adam midınıñ tanım qabıletin älsiretetininne köz jetkizgen. Sizdiñ qolfonıñız meyli qosulı nemese söndiruli küyinde twrsa da, miıñızğa zaqım keltiredi. 

Osı zertteudiñ şın, ötirigin däleldeu üşin AQŞ Teksas Universitetiniñ Oston oqu ornındağı mamandar 800 adamğa sınaq jasağan. Adamdardı üş topqa bölip, olardıñ wyalı telefondarın tınış küyge qoyıp, olardıñ bir tobın ieleri janqaltalarına salğan, al bir tobın üsteldiñ astına qoyğan, tağı bir top wyalı telefondı irgeles bölmege qoyıp, paydalanuşılardıñ ülken miındağı özgeristerge sınaqtar jürgizgen.

Sınaq natijesi körsetkendey,  wyalı telefon irgeles üyge qoyılıp, adamdardan alıs twrğanda olardıñ ülken milarınıñ tanım qabıleti joğarıraq bolğan, odan keyin  üsteldiñ astına wyalı telefondarın qoyğandardıñ tanım qabıleti ortaşa bolğan. Al,  telefondı janqaltasına salğandardıñ este saqtau, tanım qabıletteri tömenirek bolğan. Osığan negizdelip mamandar wyalı telefon adamnıñ közine körinip, kökiregimen sezinuge bolatın jaqın aralıqta twrğanda, adamnıñ ülken miın qarbalastıqqa tüsirip,  eriksizden nazarın audarıp, adamnıñ este saqtauı men tanım deñgeyin tömendetip jiberedi degen qorıtındı şığarğan.

Osı salada eñbektengen ğalımdar adamdardıñ bügingi qoğamnıñ ayırılmas böligine aynalğan wyalı telefonnan ülken midıñ auır därejede zaqımdanıp jatqanının aytıp dabıl qağadı.

Qanşama on mıñdağan joldardan twratın qisa-dastarndar men halıqtıq jırlardı, mıñdağan jıldarğa tamırın jayğan şejirelerdi jatqa aytıp büginge jetkizgen, jaratılısınan jadındağı eş halıqta bolmağan keremetimen tanılğan qazaq jwrtınıñ da bügingi tañda, eñkeygen kärisinen eñbektegen balasına deyin  «wmıtşaqtıq»  sırqatına şaldığuınıñ bastauı qolımızdağı alaqanday bwyımda ekenin eskere jürgenimiz abzalıraq siyaqtı. Qaysız bir ğalım aytqanday, «Adamzat özderi öylep tapqan ğılım men tehnikası özderiniñ tübine jetui mümkin».

Ädilet Ahmetwlı

 “The Qazaq Times”