Foto: chuprina.kz

"Qazaqstan Halıq banki" AQ jäne "Qazkommercbank" AQ bankomattıq jelilerdi biriktiru jwmısın bastadı. Endi 10 şildeden bastap Halyk jäne Qazkom kartaların wstauşılar üşin bankomattan qolma-qol aqşa alu kezinde qosımşa komissiyalardıñ alınuı toqtatıladı. Bwl turalı Halıq banktiñ baspasöz qızmeti habarlaydı. 

2017 jılğı 1 mausımdağı körsetkiş boyınşa, Halıq bankiniñ bankomattar jelisi 2367 birlikti qwraydı, onıñ işinde 559 bankomattıñ cash-in funkciyası bar, al Qazkommercbanktiñ bankomattar jelisiniñ sanı - 2292, olardıñ 465-inde qolma-qol aqşa qabıldau funkciyası jabdıqtalğan.

Baspasöz qızmetiniñ mälimetinşe, Halıq bank qazirgi kezde 6 mln karta wstauşığa qızmet körsetedi, al Qazkommercbankte – 2 mln astam. Qazaqstannıñ ekonomikalıq belsendi azamattarınıñ köpşiligi eki banktiñ biriktirgen bankomattar jelisiniñ artıqşılıqtarın paydalana aladı.

Qolma-qolsız tölemder narığı belsendi türde damıp jatqandığına qaramastan, qarajattı bankomat arqılı qolma-qol aqşağa aynaldıru Qazaqstandağı eñ tanımal banktik operaciyalardıñ biri. Resmi statistika boyınşa, tek 2017 jılğı säuir ayında ğana  qazaqstandıqtar 683,2 mlrd teñgege osı sındı 17,6 mln tranzakciyanı jürgizgen.

 “The Qazaq Times”