Foto: Reuters

Vengriya Ükimetiniñ bastamasımen elde jürip jatqan amerikalıq qarjıger jäne filantrop Djordj Sorosqa qarsı kampaniya älemdik qauımdastıq tarapınan qatañ sınğa ilinip otır. Budapeşt pen Vengriyanıñ özge qalalarında qoğamdıq orındarğa ilingen 86 jastağı Djordj Sorostıñ külip twrğan suretiniñ üstine "Oğan soñğı bolıp küluge mümkindik bermeñder!" dep jazılğan. 

Jeksenbi küni "Vmeste" dep atalatın oppoziciyalıq partiyanıñ belsendileri Budapeşt köşelerindegi Sorostıñ plakattarın alıp tastadı. Olar bwl is-äreketin eldiñ özge qalalarında da jalğastırmaq.

Vengriyanıñ prem'er-ministri Viktor Orban Djordj Sorostı is-äreketteri men közqarastarı arqılı Europağa keletin migranttar ağımın wlğaytıp otır dep ayıptasa, amerikalıq qarjıger Ükimet basşısın mafiyanıñ basqaruındağı memleket qwrıp otır dep kinälaydı.

Budapeştegi Izrail' elşisi Yossi Amrani jäne eldegi evrey qoğamınıñ ökilderi bilikten bwl kampaniyanı şwğıl arada toqtatuın swrap, keri jağdayda atalğan kampaniya  antisemitizmniñ körinisi retinde bağalanuı mümkin (Djordj Soros Vengriyadağı evrey janwyasında düniege kelgen) dep mälimdedi.

Germaniyanıñ Europa isteri boyınşa memlekettik ministri Mihael' Rot wyımdastırılıp otırğan kampaniya turalı aytuğa söz taba almaytının jetkizip, narazılığın bildirdi.  Degenmen Vengriya Ükimeti älem elderi men basşılarınan kelgen sın-pikirlerge äli jauap bergen joq.

Ağımdağı jıldıñ mausım ayında Vengriya Parlamenti şet elden qarjılandırılatın ükimettik emes wyımdardı qadağalaudı küşeytu turalı zañ qabıldadı. Viktor Orban bwl özgeristi :  "Sırttan qarjı alıp otırğan wyımdar eldiñ işki isine aralasıp otır" - dep tüsindirdi. Birinşi kezekte, mwnday ayıptaular Soros qarjılandıratın wyımdarğa tağılğan bolatın.

Odan bwrın Vengriyanıñ Prezidenti YAnoş Ader eldegi wlttıq universitetterdi qarjılandıruşı şet eldik wyımnıñ tirkelgen elinde oqu ortalığı boluın talap etetin zañ qabıldadı. Osı zañğa säykes, AQŞ-ta tirkelgenimen, onda jwmıs isteytin oqu ortalığı joq Djord Sorostıñ Vengriyadağı Ortalıq Europa universiteti (CEU) jabıluı mümkin.

 “The Qazaq Times”