Mañğıstau oblısındağı jol qwrılısı. Foto: mangystau.gov.kz

Mañğıstau oblısı Beyneu audanında «Beyneu-Aqjigit-Özbekstan Respublikasınıñ şekarası» avtomobil' jolın jöndeu jwmıstarı bastaldı. Bwl turalı oblıs äkimdiginiñ baspasöz qızmeti habarladı. 

«Beyneu-Aqjigit-Özbekstan Respublikasınıñ şekarası» avtomobil' jolı - asa mañızdı kölik infraqwrılımdıq nısanı. Ol Qwrıq portınan basqa elderge jük tasımaldauğa mümkindik beredi. Joldıñ ekinşi kategoriyası 85 şaqırımdı qwraydı. Ol Özbekstan şekarasınan bastalıp Beyneu audanınan ötedi.

"Ötken jıldıñ soñınan bastap elimizdiñ Özbekstanmen  qarım-qatınas nığaya tüsti. Osı jıldıñ birinşi toqsanında eki el arasındağı sauda aynalımı 37 %-ğa östi. Respublikanıñ Özbekstanmen baylanıs jolı tek Oñtüstik Qazaqstan oblısınıñ Sarıağaş audanı men Beyneu audanında ğana bar. Beyneu audanı Özbekstanmen temirjol men avtomobil' jolı arqılı qatınas jasaytın elimizdiñ qaqpası ğana emes, Orta Aziyanıñ Reseyge, odan äri Europağa şığatın birden-bir qatınas jolı. Mañğıstau oblısı iri köliktik logistikalıq ortalıqqa aynalıp keledi", - dedi oblıs äkimi Eralı Toğjanov.

Joldıñ qwrılıs jwmıstarı 2018 jılı ayaqtaladı dep kütilude. Jobanıñ qwnı 19,8 mlrd teñge. Merdiger «Temirjol Jöndeu» JŞS. Joba respublikalıq byudjetten qarjılandırıladı. Eralı Toğjanov avtomobil' jolınıñ rekonstrukciya jasau jwmıstarı qarqındı jürgiziletinin, öytkeni bwl Kaspiy kölik dälizinde jük tasımaldaudı qamtamasız etetin mañızdı nısan ekenin atap ötti.

“The Qazaq Times”