ماڭعىستاۋ وبلىسى بەينەۋ اۋدانىندا «بەينەۋ-اقجىگىت-وزبەكستان رەسپۋبليكاسىنىڭ شەكاراسى» اۆتوموبيل جولىن جوندەۋ جۇمىستارى باستالدى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى.
«بەينەۋ-اقجىگىت-وزبەكستان رەسپۋبليكاسىنىڭ شەكاراسى» اۆتوموبيل جولى - اسا ماڭىزدى كولىك ينفراقۇرىلىمدىق نىسانى. ول قۇرىق پورتىنان باسقا ەلدەرگە جۇك تاسىمالداۋعا مۇمكىندىك بەرەدى. جولدىڭ ەكىنشى كاتەگورياسى 85 شاقىرىمدى قۇرايدى. ول وزبەكستان شەكاراسىنان باستالىپ بەينەۋ اۋدانىنان وتەدى.
"وتكەن جىلدىڭ سوڭىنان باستاپ ەلىمىزدىڭ وزبەكستانمەن قارىم-قاتىناس نىعايا ءتۇستى. وسى جىلدىڭ ءبىرىنشى توقسانىندا ەكى ەل اراسىنداعى ساۋدا اينالىمى 37 %-عا ءوستى. رەسپۋبليكانىڭ وزبەكستانمەن بايلانىس جولى تەك وڭتۇستىك قازاقستان وبلىسىنىڭ سارىاعاش اۋدانى مەن بەينەۋ اۋدانىندا عانا بار. بەينەۋ اۋدانى وزبەكستانمەن تەمىرجول مەن اۆتوموبيل جولى ارقىلى قاتىناس جاسايتىن ەلىمىزدىڭ قاقپاسى عانا ەمەس، ورتا ازيانىڭ رەسەيگە، ودان ءارى ەۋروپاعا شىعاتىن بىردەن-ءبىر قاتىناس جولى. ماڭعىستاۋ وبلىسى ءىرى كولىكتىك لوگيستيكالىق ورتالىققا اينالىپ كەلەدى", - دەدى وبلىس اكىمى ەرالى توعجانوۆ.
جولدىڭ قۇرىلىس جۇمىستارى 2018 جىلى اياقتالادى دەپ كۇتىلۋدە. جوبانىڭ قۇنى 19,8 ملرد تەڭگە. مەردىگەر «تەمىرجول جوندەۋ» جشس. جوبا رەسپۋبليكالىق بيۋدجەتتەن قارجىلاندىرىلادى. ەرالى توعجانوۆ اۆتوموبيل جولىنىڭ رەكونسترۋكتسيا جاساۋ جۇمىستارى قارقىندى جۇرگىزىلەتىنىن، ويتكەنى بۇل كاسپي كولىك دالىزىندە جۇك تاسىمالداۋدى قامتاماسىز ەتەتىن ماڭىزدى نىسان ەكەنىن اتاپ ءوتتى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى