Foto: AP Photos/Fernando Llano

Venesuelanıñ memlekettik  VTV telearnasınıñ jurnalisti Osval'do Rivero särsenbi küni Wlttıq assambleyağa jasalğan şabuıldı öz moynına aldı. Bwl turalı ol öziniñ äleumettik jelidegi paraqşasına salğan beynejazbasında habarladı.

Parlament spikeri Hulio Borhestiñ mälimetinşe, şabuıl kezinde 5 deputat pen 7 Parlament qızmetkeri jaralanğan.

Osval'do Riveronıñ aytuınşa, olarğa şabuıl jasauğa eşkim arnayı bwyrıq bermegen, qarulı qarsılıqtıñ qatısuşıları öz aldına täuelsiz äreket etken. Ol: "Biz jasağan  äreketterimiz üşin tarih aldında jauapkerşilikti öz moynımızğa alamız. Bügin biz halıqtan azıq-tülikti jasırğandar men terrorlıq aktiler wyımdastırıp, el azamattarına qarsı kelgen topqa qarsı küresip jatırmız",-dedi.

Esteriñizge sala keteyik, Venesuelada ağımdağı jıldıñ säuir ayınan beri el Prezidenti Nikolas Maduronıñ sayasatına qarsı narazılıq tanıtqan oppoziciyanıñ wyımdastıruımen iri köterilister ötip jatır. Mıñdağan halıqtıñ alañğa şığuına el işindegi dağdarıs pen Joğarğı Sottıñ Parlamenttiñ qwzırettiligin şektep, Nikolas Maduronıñ biligin küşeytetin birqatar normalar qabıldauı men eldiñ negizgi zañın referendum ötkizbey-aq özgertuge jasalğan qadamdar türtki bolğan.

“The Qazaq Times”