فوتو: AP Photos/Fernando Llano

ۆەنەسۋەلانىڭ مەملەكەتتىك  VTV تەلەارناسىنىڭ ءجۋرناليستى وسۆالدو ريۆەرو سارسەنبى كۇنى ۇلتتىق اسسامبلەياعا جاسالعان شابۋىلدى ءوز موينىنا الدى. بۇل تۋرالى ول ءوزىنىڭ الەۋمەتتىك جەلىدەگى پاراقشاسىنا سالعان بەينەجازباسىندا حابارلادى.

پارلامەنت سپيكەرى حۋليو بورحەستىڭ مالىمەتىنشە، شابۋىل كەزىندە 5 دەپۋتات پەن 7 پارلامەنت قىزمەتكەرى جارالانعان.

وسۆالدو ريۆەرونىڭ ايتۋىنشا، ولارعا شابۋىل جاساۋعا ەشكىم ارنايى بۇيرىق بەرمەگەن، قارۋلى قارسىلىقتىڭ قاتىسۋشىلارى ءوز الدىنا تاۋەلسىز ارەكەت ەتكەن. ول: ء"بىز جاساعان  ارەكەتتەرىمىز ءۇشىن تاريح الدىندا جاۋاپكەرشىلىكتى ءوز موينىمىزعا الامىز. بۇگىن ءبىز حالىقتان ازىق-تۇلىكتى جاسىرعاندار مەن تەررورلىق اكتىلەر ۇيىمداستىرىپ، ەل ازاماتتارىنا قارسى كەلگەن توپقا قارسى كۇرەسىپ جاتىرمىز",-دەدى.

ەستەرىڭىزگە سالا كەتەيىك، ۆەنەسۋەلادا اعىمداعى جىلدىڭ ءساۋىر ايىنان بەرى ەل پرەزيدەنتى نيكولاس مادۋرونىڭ ساياساتىنا قارسى نارازىلىق تانىتقان وپپوزيتسيانىڭ ۇيىمداستىرۋىمەن ءىرى كوتەرىلىستەر ءوتىپ جاتىر. مىڭداعان حالىقتىڭ الاڭعا شىعۋىنا ەل ىشىندەگى داعدارىس پەن جوعارعى سوتتىڭ پارلامەنتتىڭ قۇزىرەتتىلىگىن شەكتەپ، نيكولاس مادۋرونىڭ بيلىگىن كۇشەيتەتىن بىرقاتار نورمالار قابىلداۋى مەن ەلدىڭ نەگىزگى زاڭىن رەفەرەندۋم وتكىزبەي-اق وزگەرتۋگە جاسالعان قادامدار تۇرتكى بولعان.

“The Qazaq Times”