Stiven Hoking jäne Donal'd Tramp. Foto: CNN.com.

Biıl 75 jasqa kelip otırğan älemge tanımal ğalım Stiven Hoking mereytoyınan bwrın BBC  arnasına bergen swhbatında Tramptıñ sayasatına degen ülken alañdauşılığın jetkizdi. Ol biz bir üreyli düniege enip bara jatırmız degen. Bwl turalı tanımal arnanıñ saytında jazıldı.

Älemge eñ tanımal ğalım Stiven Hoking ömiriniñ  köp bölegin adamzattıñ bolaşağına arnap keledi. Ol jaña zaman dünietanımına, astronomiya men adamtanu ğılımına jäne filosofiyağa ülken jañalıqtar alıp keldi. Älemdegi ğılım süygiş jandardıñ bäri de Hokingtiñ jaratılıs pen adamzat turalı kez-kelgen pikirimen sanasadı. Onıñ pikirinşe Tramptıñ «Parij Klimat kelisiminen» şığıp ketuiniñ kesapatı el oylağannan da auır boladı. «Jer planetası ziyandı gazdar qorşağan planetağa aynalıp ketui mümkin, beyne Şolpan jwldızı sekildi sırtın bir qabat ziyandı twman qorşap twratın boladı», – dedi Stiven Hoking.

Ol qazir klimattıñ jıluı eriksizden eriksiz ğalamdıq, tikeley adamzattıñ bolaşağına qatıstı şwğıl şeşim qabıldauğa tiisti iske aynalğanın basa ayttı. Ğalım sözinde: «Tramptıñ äreketi Jer şarın qiratuğa tırısıp jatqanğa wqsaydı. Ziyandı gazdardıñ auağa tarauı tejelmese, onda köp wzamay jer betiniñ temperaturası 250 S° boladı, nemese, ünemi qışqıl jañbır jauıp twratın Şolpan jwldızı tärizdi ulı twman qorşap twratın planetağa aynalıp qaladı», – dedi.

“The Qazaq Times”