ستيۆەن حوكينگ جانە دونالد ترامپ. فوتو: CNN.com.

بيىل 75 جاسقا كەلىپ وتىرعان الەمگە تانىمال عالىم ستيۆەن حوكينگ مەرەيتويىنان بۇرىن BBC  ارناسىنا بەرگەن سۇحباتىندا ترامپتىڭ ساياساتىنا دەگەن ۇلكەن الاڭداۋشىلىعىن جەتكىزدى. ول ءبىز ءبىر ۇرەيلى دۇنيەگە ەنىپ بارا جاتىرمىز دەگەن. بۇل تۋرالى تانىمال ارنانىڭ سايتىندا جازىلدى.

الەمگە ەڭ تانىمال عالىم ستيۆەن حوكينگ ومىرىنىڭ  كوپ بولەگىن ادامزاتتىڭ بولاشاعىنا ارناپ كەلەدى. ول جاڭا زامان دۇنيەتانىمىنا، استرونوميا مەن ادامتانۋ عىلىمىنا جانە فيلوسوفياعا ۇلكەن جاڭالىقتار الىپ كەلدى. الەمدەگى عىلىم سۇيگىش جانداردىڭ ءبارى دە حوكينگتىڭ جاراتىلىس پەن ادامزات تۋرالى كەز-كەلگەن پىكىرىمەن ساناسادى. ونىڭ پىكىرىنشە ترامپتىڭ «پاريج كليمات كەلىسىمىنەن» شىعىپ كەتۋىنىڭ كەساپاتى ەل ويلاعاننان دا اۋىر بولادى. «جەر پلانەتاسى زياندى گازدار قورشاعان پلانەتاعا اينالىپ كەتۋى مۇمكىن، بەينە شولپان جۇلدىزى سەكىلدى سىرتىن ءبىر قابات زياندى تۇمان قورشاپ تۇراتىن بولادى»، – دەدى ستيۆەن حوكينگ.

ول قازىر كليماتتىڭ جىلۋى ەرىكسىزدەن ەرىكسىز عالامدىق، تىكەلەي ادامزاتتىڭ بولاشاعىنا قاتىستى شۇعىل شەشىم قابىلداۋعا ءتيىستى ىسكە اينالعانىن باسا ايتتى. عالىم سوزىندە: «ترامپتىڭ ارەكەتى جەر شارىن قيراتۋعا تىرىسىپ جاتقانعا ۇقسايدى. زياندى گازداردىڭ اۋاعا تاراۋى تەجەلمەسە، وندا كوپ ۇزاماي جەر بەتىنىڭ تەمپەراتۋراسى 250 س° بولادى، نەمەسە، ۇنەمى قىشقىل جاڭبىر جاۋىپ تۇراتىن شولپان جۇلدىزى ءتارىزدى ۋلى تۇمان قورشاپ تۇراتىن پلانەتاعا اينالىپ قالادى»، – دەدى.

“The Qazaq Times”