Foto: Pravda-TV

Soñğı uaqıtta Süriya men Irakta jeñilis tauıp jatqan  «Islam memleketi» lañkestik wyımınıñ kelesi nısanası Ortalıq Aziya boluı mümkin.

Soñğı kezderi batıs bwqaralıq aqparat qwraldarı «Islam memleketi» lañkestik wyımınıñ Auğanstan aumağında jandana bastağandığı jayında jii jazuda. Jaqında reseylik BAQ ökilderi Auğanstannıñ soltüstik-batısında ornalasqan Djauzdjan provinciyasınıñ Türkimenstanmen şekaralas böligin «Islam memleketi» sodırları basıp alğandığı jayında aqparat tarattı. Al mausımnıñ 15 küni «Islam memleketi» lañkestik wyımı Auğanstannıñ oñtüstik-şığısındağı kezinde Usama ben Ladenniñ jasırınğan Tora-Bora üñgirler kompleksin basıp alğandığı jayında aytılğan edi.

Joğarıda atalğan aqparattarğa bwl jolı da köñil audarmauğada bolar edi. Öytkeni älemniñ kez kelgen bwqaralıq aqparat qwralı Auğanstandağı jarılıs, terrorlıq şabuıl jayında kün sayın birneşe ret aqparat taratını belgili. Biraq bwl jol Auğanstan aumağında bolıp jatqan dünielerge beyjay qarauğa bolmaydı.

Birinşiden: «Islam memleketi» lañkestik wyımınıñ Auğanstan jerindegi sodırlarınıñ soñğı uaqıtta jandana bastauı Süriya men Iraktağı öz poziciyaların joğalta bastauı men twspa tws keldi. Endi olarğa jaña wrıs alañı men qarjı alatın orta kerek. Ol üşin Auğanstan taptırmas meken.

Ekinşiden: Qazirgi tañda Auğanstan biligi men Pentagon qarım-qatınası qiındağan. Auğanstan eks-prezidenti Hamid Karzaydıñ aytuınşa, AQŞ osınşama uaqıt aralığında Auğanstan biligine bergen birde-bir uädesin orındamağan. Onıñ üstine Pentagon äskeri auğan jerine kelgeli beri ekstremistik toptar küşeymese, älsiremegen.

Üşinşiden: «Islam memleketi» lañkestik wyımınıñ Auğanstannıñ Türkimenstanmen şekaralas audandarın basıp aluı olardıñ batıstağı, tayau şığıstağı demeuşilerine jaqındağısı keletindigin jäne Ortalıq Aziyadan bastap Şığıs europağa deyin halifat qwruğa jasap jatqan qadamdarınıñ biri boluı mümkin.

Soñğı uaqıtta «Islam memleketi» lañkestik wyımınıñ Auğanstanda küş ala bastağandığı jayında WQŞW (ODKB) wyımıda ayta bastadı. WQŞW mälimeti boyınşa, qazirgi tañda Süriya men Irak  aumağında «Islam memleketi» sodırları qwramında soğısıp jürgen TMD, onıñ işinde Ortalıq Aziya elderinen şıqqan azamattar öz elderine qayta bastağan. Resmi aqparattarğa süyensek, lañkestik wyımdardıñ qwramında 7 mıñnan astam TMD azamattarı jür. Olardıñ 2 mıñı älemniñ kez kelgen jerine barıp soğısa beretin jaldamalı sodırlar.

Bwl degenimiz egerde «Islam meleketi» wyımı Süriya men Irakta jeñilis tauıp,  kelesi ört oşağı Ortalıq Aziyada twtanatın bolsa, onda Qazaqstan, Özbekstan, Qırğızstan jalpı Ortalıq Aziya elderiniñ jağdayı qiındaydı degen söz.

“The Qazaq Times”