Foto: AM 1440 KYCR.

Katarğa diplomatiyalıq dağdarıs ornatqan tört el birlese otırıp Bahreynde äskeri baza qwratındarın mälimdedi. Bwl turalı Mısırdıñ «äl-Ehram Arabi» basılımına silteme jasay otırıp, «Türik Tele-Radio» qızmetiniñ resmi saytı habarlaydı. Olar Katardan 72 sağat işinde özderi joldağan talaptı orındamağan jağdayda tört el birlese otırıp şaralar qoldanatındığın habarlağan.

Saud Arabiyası, Mısır, Birikken Arab Ämirligi jäne Bahreyn qatarlı elder özderiniñ 10 tarmaqtan twratın talaptarı Katar jağınan orındalmaytın bolsa, onda, Katarğa qaratqan ekonomikalıq embargonı keñeytip, tipti sol elderdegi Katarğa tiesili mülikterdi kepildikke alatındarın eskertip otır. Qoldanatın şaralarınıñ biri retinde Katardı Şığanaq Intımaqtastıq Keñesindegi müşeliginen alıp tastauı mümkin.

Tört eldiñ birlese otırıp Bahreynde äskeri baza qwru isinde, Mısırdıñ Şığanaq öñirine twñğış ret äskeri qadam jasağalı otırğanı tağı bar. Katar dağdarısın şeşu üşin keybir arab elderiniñ Katarğa qoyğan talaptarınıñ özi, bwl dağdarıstıñ şeşim tappauına müddeli talaptardıñ bar ekenin, Şığanaq öñiriniñ qojalığı üşin köptegen taraptardıñ müddeleri tireske tüsip jatqanın bayqauğa boladı.

“The Qazaq Times”