Foto: Trend News Agency

AQŞ äuejaylardağı tekseru şaraların qatañdatudı qolğa aldı. Jaña erejelerge AQŞ-tıñ işki qauipsizdik qızmeti ministri Djon Kelli qol qoydı.

Özgertilgen talaptarğa säykes, endi äuejay qızmetkerleri men jolauşılardıñ barlıq elektrondı qwrılğıları skanerden ötkizilip, jarılğış zattardıñ bar-joqtığı jiti tekseriledi. El qauipsizdigin nığaytudı közdegen bwl şara kündelikti AQŞ-qa wşıp keletin 2 mıñ reystiñ 350 mıñ jolauşısın qamtıp, älemniñ 105 elindegi 280 äuejayda qolğa alınadı.

Äue kompaniyaları atalğan qauipsizdik şaraların üş ay işinde qabıldamasa, AQŞ Ükimeti wşaqtarda elektrondı qwrılğılardı tasımaldauğa tolıqtay tıyım salatındığın mälimdedi. Ağımdağı jıldıñ naurız ayında AQŞ-qa Egipet, Saud Arabiyası, Katar, Türkiya, Kuveyt memleketterinen noutbuk alıp keluge tıyım salınğan bolatın.

Onan bwrın, AQŞ prezidenti Donal'd Tramp-tıñ 2017 jıldıñ 27 qañtarındağı jarlığına säykes, Siriya, Yemen, sudan, Liviya, Iran, Irak, Somali memleketteriniñ azamattarınıñ elge keluine tosqauıl qoyılıp, 100 mıñğa juıq viza joqqa şığarıldı.

“The Qazaq Times”