Foto: Kostanay TV

Halıqaralıq qarjı instituttarınan beriletin 1,8 mlrd dollar qarız esebinen wzaqtığı 2 184 şaqırım bolatın 10 jol jobası jüzege asırıladı. Bwl turalı QR Investiciyalar jäne damu ministrliginiñ media-ortalığında Avtomobil' joldarı komitetiniñ törağası Mereke Pişembaev mälimdedi. 

«Halıqaralıq qarjı instituttarınıñ (DQHB, ADB, EQDB, IDB jäne QHR Eksimbanki) zaymdarı esebinen  wzaqtığı 2 184 şaqırım bolatın 10 jol jobası iske asıru bastaladı. Olar: Taldıqorğan – Öskemen, Kürti –Burılbaytal, Merki – Burılbaytal, Wzınağaş – Otar, Qalbatau – Maqat, Atırau –Astrahan' jäne Jetibay – Jetiözen. Qazirgi tañda Qandıağaş – Maqat avtojolınıñ uçaskesi boyınşa ADB zaymı turalı kelisimge qol qoyıldı. Qwrılıs jwmıstarın biıl şildede bastau josparlanıp otır. Kürti – Burılbaytal, Wzınağaş – Otar, Jetibay – Jetiözen jobaları boyınşa zaymdar turalı kelisimge qol qoyu josparlanuda. Olardı ratifikaciyalau ayaqtalğanda kelisim-şarttarğa qol qoyıladı»,-dedi Mereke Pişembaev.

Sonday-aq, ol  «Nwrlı jol» infraqwrılımdı damıtu memlekettik bağdarlaması boyınşa biıl jobalardı jüzege asıruğa 356,2 mlrd teñge bölingenin atap ötti. Onıñ işinde jalpı wzaqtığı 1,2 mıñ şaqırım bolatın Ortalıq-Oñtüstik, Ortalıq-Şığıs, Beyneu-Aqtau, Aqtöbe-Atırau, Qapşağay-Taldıqorğan, Astana-Petropavl jäne Oral-Kamenka jobalarınıñ qwrılıs jwmıstarın jalğastıruğa wlttıq qordan 143,5 mlrd teñge bölindi.

Mereke Pişembaevtıñ aytuınşa, 2017 jıldıñ birinşi jartıjıldığında atalmış jobalardıñ  qwrılıs-montajdau jwmıstarı jıldıq jospar boyınşa 32%-ğa orındaldı.

Endi jıl soñında atalğan jobalar boyınşa 602 şaqırımdı ayaqtau josparlanğan. Sonıñ işinde Beyneu-Aqtau jäne Almatı-Taldıqorğan avtojolı tolıq ayaqtalmaq.

Qazirgi tañda byudjettik qarajat esebinen 4 jaña joba -  Beyneu-Aqjigit, Şuçinsk-Zerendi, Taskesken-Baqtı, Üşaral-Dostıq jobalarınıñ qwrılıs jwmıstarı bastaldı. Öskemen-Zıryan-Rahman bwlağı jobası boyınşa konkurs qorıtındısı kütilude.

Osılayşa ministrlik ökiliniñ sözine sensek, 4,4 mıñ şaqırımğa qwrılıs jäne qayta qwrılımdau jwmıstarın jürgizu jäne şamamen 100 mıñ adamdı jwmıspen qamtu josparlanıp otır. Jwmıs barısında 95 payızdan astam Qazaqstanda öndirilgen material paydalanılmaqşı.

“The Qazaq Times”