Foto: akorda.kz

Qazaqstan Prezidenti Nwrswltan nazarbaev Aqmola oblısınıñ äkimi Mälik Mırzalindi qabıldadı. Ol kezdesude oblıstıñ turistik äleuetin, sonıñ işinde «Burabay» kurortın odan äri damıtu jwmıstarı turalı swradı,  dep habarlaydı aqordanıñ baspasöz qızmeti. 

Prezident kurorttıq aymaqqa keluşiler sanı jıldıñ är mezgilinde ärtürli ekenine nazar audarıp, turisterge körsetiletin qızmetterdiñ sapasın jaqsartu boyınşa şaralar qabıldaudı tapsırdı, sonday-aq körsetiletin qızmetterdiñ deñgeyine say kelmeytin bağalardıñ joğarı ekenin atap ötti.

«EKSPO-2017» körmesiniñ ötuin tiimdi paydalanu qajet. Köptegen turister keldi, sonıñ işinde şeteldikter de bar. Biraq, ekologiyalıq jüyege salmaq salmau kerek. Sonımen qatar, adamdardıñ demaluı üşin jaqsı jağday jasağan jön», – dedi Nwrswltan Nazarbaev.

Sonday-aq, Memleket basşısı öñirdiñ äleumettik-ekonomikalıq körsetkişterin köterudiñ mañızdılığına toqtalıp, oblıs basşılığı tarapınan erekşe män berudi qajet etetin birqatar salanı ayttı.

M.Mırzalin Qazaqstan Prezidentine turisterdiñ qazirgi demalıs orındarına degen qızığuşılığın arttıruğa bağıttalğan infraqwrılımdıq jobalardıñ iske asırılu barısı turalı bayandap, öñir qonaqtarı men twrğındarınıñ jaylı ömir süruin qamtamasız etu jönindegi mindetterdi şeşuge arnalğan josparlardı tanıstırdı.

“The Qazaq Times”