پرەزيدەنت: بۋراباي قىزمەتىنىڭ دەڭگەيى باعاسىنا ساي ەمەس

قازاقستان پرەزيدەنتى نۇرسۇلتان نازارباەۆ اقمولا وبلىسىنىڭ اكىمى مالىك ءمىرزاليندى قابىلدادى. ول كەزدەسۋدە وبلىستىڭ تۋريستىك الەۋەتىن، سونىڭ ىشىندە «بۋراباي» كۋرورتىن ودان ءارى دامىتۋ جۇمىستارى تۋرالى سۇرادى،  دەپ حابارلايدى اقوردانىڭ ءباسپاسوز قىزمەتى. 

پرەزيدەنت كۋرورتتىق ايماققا كەلۋشىلەر سانى جىلدىڭ ءار مەزگىلىندە ءارتۇرلى ەكەنىنە نازار اۋدارىپ، تۋريستەرگە كورسەتىلەتىن قىزمەتتەردىڭ ساپاسىن جاقسارتۋ بويىنشا شارالار قابىلداۋدى تاپسىردى، سونداي-اق كورسەتىلەتىن قىزمەتتەردىڭ دەڭگەيىنە ساي كەلمەيتىن باعالاردىڭ جوعارى ەكەنىن اتاپ ءوتتى.

«ەكسپو-2017» كورمەسىنىڭ ءوتۋىن ءتيىمدى پايدالانۋ قاجەت. كوپتەگەن تۋريستەر كەلدى، سونىڭ ىشىندە شەتەلدىكتەر دە بار. بىراق، ەكولوگيالىق جۇيەگە سالماق سالماۋ كەرەك. سونىمەن قاتار، ادامداردىڭ دەمالۋى ءۇشىن جاقسى جاعداي جاساعان ءجون»، – دەدى نۇرسۇلتان نازارباەۆ.

سونداي-اق، مەملەكەت باسشىسى ءوڭىردىڭ الەۋمەتتىك-ەكونوميكالىق كورسەتكىشتەرىن كوتەرۋدىڭ ماڭىزدىلىعىنا توقتالىپ، وبلىس باسشىلىعى تاراپىنان ەرەكشە ءمان بەرۋدى قاجەت ەتەتىن بىرقاتار سالانى ايتتى.

م.مىرزالين قازاقستان پرەزيدەنتىنە تۋريستەردىڭ قازىرگى دەمالىس ورىندارىنا دەگەن قىزىعۋشىلىعىن ارتتىرۋعا باعىتتالعان ينفراقۇرىلىمدىق جوبالاردىڭ ىسكە اسىرىلۋ بارىسى تۋرالى بايانداپ، ءوڭىر قوناقتارى مەن تۇرعىندارىنىڭ جايلى ءومىر ءسۇرۋىن قامتاماسىز ەتۋ جونىندەگى مىندەتتەردى شەشۋگە ارنالعان جوسپارلاردى تانىستىردى.

“The Qazaq Times”