Foto: Atameken Business Channel

QR Wlttıq kompaniyalarınıñ tabısı osı jıldıñ basınan beri birden artqan jäne soñğı 1,5 jıldağı eñ joarğı körstekişke ie bolıp otır.

Finprom.kz saraptama agenttiginiñ mälimetinşe, 2017 jıldıñ 1 toqsanınınıñ nätijesi boyınşa wlttıq kompaniyalar jalpı alğanda 131,6 mlrd teñge taza tabıs tapqan (salıq tölengenge deyin). Bwl ötken jıldıñ säykes kezeñimen salıstırğanda 2,7 esege, 48,7 mlrd teñgege joğarı.

Wlttıq kompaniyalar bwdan joğarı tabısqa, 138,4 mlrd teñgege 2015 jıldıñ soñğı toqsanında qol jetkizgen.

Kvazimemlekettik sektorlar tabıstıñ mwnday deñgeyine tüsim kölemin arttırıp, şığındardı qısqartu esebinen jetti. Sonımen qatar, şığındardı oñtaylandıru biılğı jılı tabıstıñ ösui qarqınınan da joğarı bolıp otır.

2017 jıldıñ 1 toqsanında wlttıq kompaniyalardıñ qızmeti boyınşa şığındar 18,1%-ğa nemese  71,1 mlrd teñgege qısqarğan. Wlttıq kompaniyalarda şığındardı mwnday deñgeyge deyin qısqartu soñğı 5 jılda bolmağan.

Sonday-aq, kiris kölemi qañtar-naurız ayında 2,7%-ğa nemese 11,7 mlrd teñgege ösken. Alayda wlttıq kompaniyalardıñ jalpı byudjetiniñ kiris qwrılımın qarar bolsaq, kiris ösimi olardıñ qızmetiniñ joğarı belsendiliginen jäne üşinşi bir taraptıñ qoldauınan bolmağanın köruge boladı.

Mısalı osı jıldıñ 1 toqsanında satılımnan tüsken tüsim 242,5 mlrd teñge köleminde bolğan jäne körsetkiş ötken jılğa qarağanda 16,2%-ğa ( 46,9 mlrd teñge) az.

Sonımen qarjınıñ artuı basqa da kiris közderi arqılı, yağni akcionerlerdiñ kömegi arqılı jüzege asqan. Bir jıl işinde mwnday kiristerdiñ kölemi 3,6 esege nemese 101,9 mlrd teñgege artqan.

“The Qazaq Times”