فوتو: Atameken Business Channel

قر ۇلتتىق كومپانيالارىنىڭ تابىسى وسى جىلدىڭ باسىنان بەرى بىردەن ارتقان جانە سوڭعى 1,5 جىلداعى ەڭ جوارعى كورستەكىشكە يە بولىپ وتىر.

Finprom.kz ساراپتاما اگەنتتىگىنىڭ مالىمەتىنشە، 2017 جىلدىڭ 1 توقسانىنىنىڭ ناتيجەسى بويىنشا ۇلتتىق كومپانيالار جالپى العاندا 131,6 ملرد تەڭگە تازا تابىس تاپقان (سالىق تولەنگەنگە دەيىن). بۇل وتكەن جىلدىڭ سايكەس كەزەڭىمەن سالىستىرعاندا 2,7 ەسەگە، 48,7 ملرد تەڭگەگە جوعارى.

ۇلتتىق كومپانيالار بۇدان جوعارى تابىسقا، 138,4 ملرد تەڭگەگە 2015 جىلدىڭ سوڭعى توقسانىندا قول جەتكىزگەن.

كۆازيمەملەكەتتىك سەكتورلار تابىستىڭ مۇنداي دەڭگەيىنە ءتۇسىم كولەمىن ارتتىرىپ، شىعىنداردى قىسقارتۋ ەسەبىنەن جەتتى. سونىمەن قاتار، شىعىنداردى وڭتايلاندىرۋ بيىلعى جىلى تابىستىڭ ءوسۋى قارقىنىنان دا جوعارى بولىپ وتىر.

2017 جىلدىڭ 1 توقسانىندا ۇلتتىق كومپانيالاردىڭ قىزمەتى بويىنشا شىعىندار 18,1%-عا نەمەسە  71,1 ملرد تەڭگەگە قىسقارعان. ۇلتتىق كومپانيالاردا شىعىنداردى مۇنداي دەڭگەيگە دەيىن قىسقارتۋ سوڭعى 5 جىلدا بولماعان.

سونداي-اق، كىرىس كولەمى قاڭتار-ناۋرىز ايىندا 2,7%-عا نەمەسە 11,7 ملرد تەڭگەگە وسكەن. الايدا ۇلتتىق كومپانيالاردىڭ جالپى بيۋدجەتىنىڭ كىرىس قۇرىلىمىن قارار بولساق، كىرىس ءوسىمى ولاردىڭ قىزمەتىنىڭ جوعارى بەلسەندىلىگىنەن جانە ءۇشىنشى ءبىر تاراپتىڭ قولداۋىنان بولماعانىن كورۋگە بولادى.

مىسالى وسى جىلدىڭ 1 توقسانىندا ساتىلىمنان تۇسكەن ءتۇسىم 242,5 ملرد تەڭگە كولەمىندە بولعان جانە كورسەتكىش وتكەن جىلعا قاراعاندا 16,2%-عا ( 46,9 ملرد تەڭگە) از.

سونىمەن قارجىنىڭ ارتۋى باسقا دا كىرىس كوزدەرى ارقىلى، ياعني اكتسيونەرلەردىڭ كومەگى ارقىلى جۇزەگە اسقان. ءبىر جىل ىشىندە مۇنداي كىرىستەردىڭ كولەمى 3,6 ەسەگە نەمەسە 101,9 ملرد تەڭگەگە ارتقان.

“The Qazaq Times”