Facebook qoldanuşılarınıñ sanı 2 mlrd-qa jetti

Älemdegi eñ tanımal äleumettik jelilerdiñ biri Facebook qoldanuşılarınıñ sanı 2 mlrd. adamdı qwradı. Bwl turalı Facebook-tıñ negizin saluşı Mark Cukerbegr öziniñ feysbuk paraqşasında jazdı.

Atalğan jazbada «Bügin Facebook qauımdastığın qwraytın ğalamtor qoldanuşılarınıñ  sanı  resmi türde 2 mlrd.adamğa jetti. Biz älemdi biriktiru arqılı damuğa qadam basıp kelemiz. Arı qaray da jarqın bolaşaqtı jaqındatudı jalğastırayıq. Men bwl sayahatta sizdermen birge ekendigime quanıştımın»,-delingen.

2004 jılı Garvard universitetiniñ 19 jasar studenti Mark Cukerbergtiñ bastamasımen qwrılğan äleumettik jelini täuligine jer şarınıñ 1 mlrd-tan astam twrğını qoldanıp, 8 mlrd-qa juıq beyjazba qaraladı. 2016 jılı Facebook  kompaniyasınıñ  jıldıq tabısı  27,6 mlrd  dollardı qwradı.

“The Qazaq Times”