Foto: Tengrinews

Moody’s Investors Service halıqaralıq reyting agenttigi Qazkommercbanktiñ depozitik reytingin «B3»-ten «Ba2» deñgeyine, Halıq banktikin «Ba2»-den «Ba1»-ge köterdi.

Sonday-aq, Moody’s Qazkom-nıñ qamtamasız etilmegen ülken mindetterin «Caa2»-den «B1»-ge köterse, Halıq banktiñ bazasın «ba3»-ke, kamtamasız etilmegen ülken qarızdarın «Ba3» deñgeyinde bekitti.

"Eki banktiñ de wzaq merzimdi reytingteri tömen bolıp qala beredi, bwl Qazaqstannıñ täuelsizdik reytingine säykes keledi", - delingen agenttik habarlamasında.

Habarlamada aytılğanday, Qazkommercbanktiñ reytinginiñ köterilui ükimettiñ  problemalıq aktivteriniñ köp boluına baylanıstı qarjılıq twraqtılığın nığaytu üşin bankke bergen qarjısı esebinen jäne Halıq bankpen bolıp jatqan kelissözder nätijesinde bolıp otır.

Al Halıq bank reytinginiñ köteriluine qarjı institutınıñ Qazkommercbankti kapitaldandıruınan keyingi qarjılıq körsetkişi äser etti.

Ayta keteyik, bwğan deyin "Qazkommercbank" AQ direktorlar keñesiniñ törağası Keñes Raqışev banktiñ 86.09% jay akciyaların satıp alu-satu turalı "Halıq bank" AQ-nıñ mämilesine qol qoydı.  Akciyalardı satıp alu qwnı 1 qazaqstandıq teñge mölşerin qwradı. Sonday-aq, "Samwrıq-Qazına" Wlttıq Äl-auqat Qorı"  da  Qazkommercbanktiñ 10.72% jay  akciyasın  1 teñgege satıp aldı.

“The Qazaq Times”