Foto: Habar 24

Qarağandıda «THE JOB FAIR IS UNDER OPEN AIR» attı bos jwmıs orındarı järmeñkesi ötti, dep habarlaydı qala äkämdiginiñ baspasöz qızmeti. Äkimdiktiñ mälimetinşe,  järmeñkege Qarağandı qalasındağı türli menşik nısanındağı käsiporındar men wyımdar qatıstı. 

Qazirgi kezde Qarağandı qalasında 472 käsiporın men wyım 2278 bos orın wsınıp otır, järmeñkege 92 käsiporın qatıstı. Solardıñ işinde swranısqa ie mınaday mamandıqtar boyınşa bos orındar keñinen wsınılıp otır:  injener, logist, menedjer, esepşi, bağalauşı-sarapşı, audarmaşı, däriger, mwğalimder jäne basqaları; sonday-aq orta bilikti mamandar üşin: tiginşi, slesar', elektr gazben dänekerleuşi, elektr monteri, tokar', avtokran maşinisi, döñgelek jöndeuşi, bwrğışı, frezerşi, tehnik-tehnolog jäne t.b.

Biliktiligi tömen jwmıs izdeuşiler üşin järmeñkede as üy jwmıskeri, jol jwmısşısı, jükşi, küzetşi, qosalqı jwmısşı jäne tağı basqaları siyaqtı arnayı dayarlıqtı qajet etpeytin bos orındar wsınılğan.

Şarağa jas mamandardı jwmısqa ornalastıruğa dayar jwmıs beruşiler men käsiptik oqıtumen aynalısatın bilim beru wyımdarı qatıstı.

Qazaqstan Respublikası Memlekettik qızmet isteri jäne sıbaylas jemqorlıqqa qarsı is qimıl agenttiginiñ Qarağandı oblısı boyınşa departamenti jergilikti atqaru organdarına (Qarağandı oblısınıñ qalaları men audandarınıñ 15 äkimdigi, oblıs boyınşa audandıq jwmıspen qamtu ortalıqtarı) 245 bos lauazımdar wsındı.

“The Qazaq Times”