قاراعاندىدا 2278 بوس جۇمىس ورنى بار

قاراعاندىدا «THE JOB FAIR IS UNDER OPEN AIR» اتتى بوس جۇمىس ورىندارى جارمەڭكەسى ءوتتى، دەپ حابارلايدى قالا اكامدىگىنىڭ ءباسپاسوز قىزمەتى. اكىمدىكتىڭ مالىمەتىنشە،  جارمەڭكەگە قاراعاندى قالاسىنداعى ءتۇرلى مەنشىك نىسانىنداعى كاسىپورىندار مەن ۇيىمدار قاتىستى. 

قازىرگى كەزدە قاراعاندى قالاسىندا 472 كاسىپورىن مەن ۇيىم 2278 بوس ورىن ۇسىنىپ وتىر، جارمەڭكەگە 92 كاسىپورىن قاتىستى. سولاردىڭ ىشىندە سۇرانىسقا يە مىناداي ماماندىقتار بويىنشا بوس ورىندار كەڭىنەن ۇسىنىلىپ وتىر:  ينجەنەر، لوگيست، مەنەدجەر، ەسەپشى، باعالاۋشى-ساراپشى، اۋدارماشى، دارىگەر، مۇعالىمدەر جانە باسقالارى; سونداي-اق ورتا بىلىكتى ماماندار ءۇشىن: تىگىنشى، سلەسار، ەلەكتر گازبەن دانەكەرلەۋشى، ەلەكتر مونتەرى، توكار، اۆتوكران ءماشينيسى، دوڭگەلەك جوندەۋشى، بۇرعىشى، فرەزەرشى، تەحنيك-تەحنولوگ جانە ت.ب.

بىلىكتىلىگى تومەن جۇمىس ىزدەۋشىلەر ءۇشىن جارمەڭكەدە اس ءۇي جۇمىسكەرى، جول جۇمىسشىسى، جۇكشى، كۇزەتشى، قوسالقى جۇمىسشى جانە تاعى باسقالارى سياقتى ارنايى دايارلىقتى قاجەت ەتپەيتىن بوس ورىندار ۇسىنىلعان.

شاراعا جاس مامانداردى جۇمىسقا ورنالاستىرۋعا دايار جۇمىس بەرۋشىلەر مەن كاسىپتىك وقىتۋمەن اينالىساتىن ءبىلىم بەرۋ ۇيىمدارى قاتىستى.

قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس قيمىل اگەنتتىگىنىڭ قاراعاندى وبلىسى بويىنشا دەپارتامەنتى جەرگىلىكتى اتقارۋ ورگاندارىنا (قاراعاندى وبلىسىنىڭ قالالارى مەن اۋداندارىنىڭ 15 اكىمدىگى، وبلىس بويىنشا اۋداندىق جۇمىسپەن قامتۋ ورتالىقتارى) 245 بوس لاۋازىمدار ۇسىندى.

“The Qazaq Times”