Foto: hematologiya.ru

Jeke kuälikke nemese jürgizuşi kuäligine donar boluğa kelisim jazbasın engizuge boladı. Qazirgi kezde Densaulıq saqtau ministrliginde osı joba jasalıp jatır.  Bwl turalı vedomstvo basşısı Eljan Birtanov 5-şi Halıqaralıq "Densaulıq bäri üşin" attı kongresste mälimdedi. 

Onıñ sözinşe, qazirgi tañda 3 mıñnan asa qazaqstandıq türli organdardıñ transplantaciyasın qajet etedi. Al organdardı auıstıru operaciyalarımen 10 medicina ortalığı aynalısadı.

«Biz "Azamattarğa arnalğan ükimet" elektrondı jüyesi arqılı ärbir adam donar boluğa qatıstı kelisimi men ötinişin jazıp qaldıra alu mäselelelerin qarap jatırmız. Köptegen elderde bwl jürgizuşi kuäligi men jeke kuäliginde körsetiledi", - dedi ol.

Ayta keteyik, bwğan deyin ministr adam mezgilsiz qaytıs bolğan jağdayda onıñ organdarın tuıstarınıñ rwqsatınsız donorlıqqa aluğa bolatını turalı zañda qarastırılğanın aytqan.

 “The Qazaq Times”