Australiya men Qıtaydıñ ükimet basşıları. Foto: South China Morning Post.

Australiya (Avstraliya) ükimeti belgili qıtaylıq käsipkerlerge azamattıq beruden bas tartuda jäne twraqtı twruğa berilgen vizasın qaytarıp aldı. Bwl turalı bügin «Sydney Morning Herald» basılımı habarladı.

Atalğan basılımnıñ habarına qarağanda, Australiya ükimeti tanımal biznesmen jäne sayasi donor Huañ Şiyañmoğa Australiya azamattığın beruden bas tarttı jäne sol elde wzaq uaqıtqa turuğa mümkindigi bar vizasın qaytarıp aldı. Degenmen, atalğan basılımda ükimet şeşiminiñ sebebi turalı anıq körsetilmegen.

Atalğan basılımnıñ aytuınşa, 2011 jıldan beri otbasımen birge Sidneyde twrıp kele jatqan Huañ Şiyañmo Qıtay kompartiyasımen tığız qarım-qatınasta. Soğan qaramastan, soñğı on jılda Australiyadağı eki iri sayasi partiyağa qarjılay qoldau körsetip keledi. Sonday-aq, Australiyanıñ bwrınğı sauda ministri Endryu Robtıñ saylauşılar qorınan 100 mıñ dollar köleminde kömek atağan. Alayda, Australiya Jwmısşılar partiyasınıñ bir ökili Qıtay turalı sın-pikirin jariyalağannan keyin, Huañ Şiyañmo atalğan partiyağa 400 mıñ AQŞ dolları köleminde kömek beru uädesin qaytıp alğan.

Australiya köşi-qon ministri Qıtaylıq tanımal käsipker turalı ükimet şeşimin tüsindiruden bas tartqan. Al, özge de australiyalıq aqparat qwraldarınıñ habarına qarağanda, qazirgi kezde  atalğan qıtaylıq käsipkerdiñ qayda ekeni belgisiz, australiyadan şığıp ketkenin jäne qaytıp oralmauğa şeşim qabıldağanı turalı aytadı.

“The Qazaq Times”