Foto: Forbes

Wlttıq ekonomika ministrligi biznes tarapınan memlekettik organdarğa wsınılatın jönsiz jäne qaytalanğan esepterdi anıqtau jäne qısqartu boyınşa zañnamanı keñ auqımdı tekserudi jürgizedi, dep habarlaydı ministrliktiñ baspasöz qızmeti. 

«Büginde biznes beretin eseptiñ 1200-den asa türi anıqtaldı. Sonımen qatar sonau 2000-jıldardıñ basında engizilgen, al memlekettik organdardıñ özine olardıñ qajet ekeni tüsiniksiz birqatar esep türleriniñ bar ekeni anıqtaldı. Nätijesinde bwlardıñ bäri bizneske auırtpalıq bolıp tabıladı», - dedi QR WEM Käsipkerlikti damıtu departamenti direktorınıñ orınbasarı Aslanbek Jaqıpov.

Reformalandırudıñ qorıtındısı olardıñ qoldanıluın retke keltiru, biznes beretin eseptiliktiñ qaytalanuın boldırmau jäne soğan säykes käsipkerlerdiñ şığındarın qısqartu boluı tiis.

Wlttıq ekonomika ministrligi memlekettik organdarğa beriletin esep türleriniñ birıñğay jäne meylinşe tolıq tizbesin qwrudı josparlap otır. Eşbir memlekettik organnıñ käsipkerden osı tizbede qarastırılmağan qanday da bir aqparattı nemese esepti swratuğa qwqığı bolmaydı.

Sodan keyin bekitilgen tizbege eseptiliktiñ jaña türin kirgizu mäselesi mindetti türde tek onıñ däleldiligi jäne maqsattılığın ayqındaytın retteuşilik äser etetin taldau räsimdeulerinen ötkennen soñ ğana jüzege asırıladı.

“The Qazaq Times”