Foto: russian.news.cn

Qıtaydıñ CNPC wlttıq mwnay-gaz korporaciyası 20 jıl işinde Qazaqstanda 290 mln tonnadan asa mwnay öndirgen. Mwnday aqparattı Sin'hua Novosti agenttigi habarlap otır. 

Qazirgi tañda kompaniyanıñ respublikanıñ ken orındarınan 52 mıñ tonna mwnay öndiruge qabileti jetedi.

Agenttiktiñ mälimetinşe, CNPC 1997 jıldan bastap mwnay-gaz öndiretin qazaqstandıq  "AqtöbeMwnayGaz" kompaniyasınıñ 66,7% akciyasına ielik etedi. Bastapqıda kompaniyanıñ mwnay ekvivalenti boyınşa öndirisi 3,19 mln tonnanı qwrasa 2010 jılı 30 mln tonnağa jetken. CNPC Qazaqstannan birneşe jaña mwnay ken orındarın tapqan.

Sonday-aq, qazirgi kezde Qıtay-Qazaqstan mwnay qwbırı paydalanuğa berilgen. Bwl Qıtay üşin alğaşqı transşekaralıq mwnay qwbırı. Onıñ batıs böligi Atırau qalasınan bastau aladı. Odan arı qwbır Alaşan'kou baqılau-ötkizu punktinen ötip, Duşan'czı audanınıñ oñtüstiginen ayaqtaladı (Sin'czyan - Wyğır avtonomiyalıq audanı, Soltüstik-Batıs Qıtay). Qwbırdıñ jalpı wzındığı 2,8 mıñ şaqırımdı qwraydı. 2017 jıldıñ 29 naurızındağı jağday boyınşa, Qıtay-Qazaqstan mwnay qwbırı arqılı jetkizilgen mwnay kölemi 100 mln tonnadan asqan.

Qarap twrsañız qıtaylıq kompaniya Qazaqstannıñ "Qaşağan" ken ornı iske qosılğanğa deyin biraz qara altındı öndirip tastağanı belgili. Al Qaşağannıñ öndirisi endi-endi 2 mln tonnadan astı.