قىتايدىڭ CNPC ۇلتتىق مۇناي-گاز كورپوراتسياسى 20 جىل ىشىندە قازاقستاندا 290 ملن توننادان اسا مۇناي وندىرگەن. مۇنداي اقپاراتتى سينحۋا نوۆوستي اگەنتتىگى حابارلاپ وتىر.
قازىرگى تاڭدا كومپانيانىڭ رەسپۋبليكانىڭ كەن ورىندارىنان 52 مىڭ توننا مۇناي وندىرۋگە قابىلەتى جەتەدى.
اگەنتتىكتىڭ مالىمەتىنشە، CNPC 1997 جىلدان باستاپ مۇناي-گاز وندىرەتىن قازاقستاندىق "اقتوبەمۇنايگاز" كومپانياسىنىڭ 66,7% اكتسياسىنا يەلىك ەتەدى. باستاپقىدا كومپانيانىڭ مۇناي ەكۆيۆالەنتى بويىنشا ءوندىرىسى 3,19 ملن توننانى قۇراسا 2010 جىلى 30 ملن تونناعا جەتكەن. CNPC قازاقستاننان بىرنەشە جاڭا مۇناي كەن ورىندارىن تاپقان.
سونداي-اق، قازىرگى كەزدە قىتاي-قازاقستان مۇناي قۇبىرى پايدالانۋعا بەرىلگەن. بۇل قىتاي ءۇشىن العاشقى ترانسشەكارالىق مۇناي قۇبىرى. ونىڭ باتىس بولىگى اتىراۋ قالاسىنان باستاۋ الادى. ودان ارى قۇبىر الاشانكوۋ باقىلاۋ-وتكىزۋ پۋنكتىنەن ءوتىپ، دۋشانتسزى اۋدانىنىڭ وڭتۇستىگىنەن اياقتالادى (سينتسزيان - ۇيعىر اۆتونوميالىق اۋدانى، سولتۇستىك-باتىس قىتاي). قۇبىردىڭ جالپى ۇزىندىعى 2,8 مىڭ شاقىرىمدى قۇرايدى. 2017 جىلدىڭ 29 ناۋرىزىنداعى جاعداي بويىنشا، قىتاي-قازاقستان مۇناي قۇبىرى ارقىلى جەتكىزىلگەن مۇناي كولەمى 100 ملن توننادان اسقان.
قاراپ تۇرساڭىز قىتايلىق كومپانيا قازاقستاننىڭ "قاشاعان" كەن ورنى ىسكە قوسىلعانعا دەيىن ءبىراز قارا التىندى ءوندىرىپ تاستاعانى بەلگىلى. ال قاشاعاننىڭ ءوندىرىسى ەندى-ەندى 2 ملن توننادان استى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى