Foto: astana.zagranitsa.com

Astananıñ Nwrjol bul'varında aqılı twraqtar payda boladı. Kölik qoyatın orınnıñ tarifı bir sağatqa 100 teñge, al mügedekterge tegin boladı.  bwl turalı Astana qalası äkimdiginiñ baspasöz qızmeti habarladı. 

Baspasöz qızmetiniñ mälimetinşe, jalpı joba ayasında 472 orın aqılı boladı. Qazirgi tañda avtokölik ielerine Nwrjol bul'varında tariftiñ qwnı, tölem täsilderine qatıstı jalpı twraqtı paydalanu erejeleri tüsindirilude.

Twraqtarğa tölem tek jwmıs künderi sağat 8:00 jäne 20:00 aralığında jürgiziledi. Tüngi uaqıtta kölik qoyatın orındar tegin boladı.

Kölik qoyatın orındarğa aqşa töleu Nwrjol bul'varındağı twraqtıñ mañında ornalasqan arnayı parkomattar arqılı  jürgiziledi. Ol üşin avtomobil'di qoyğan jerdiñ nömiri men kölik qwralınıñ tirkeu nömirin engizu qajet äri aqşanı tölep bolğan soñ tübirtekti alğan jön. Tarifteu minutpen sanaladı. Sonımen qatar, paydalanbağan uaqıttağı aqşa twraqtıñ esebinde saqtalıp qaladı, onı kelesi joldarı paydalanuğa boladı.

Twraq ornına aqşa tölenbegen jağdayda 3 AEK boyınşa (6 807 teñge) ayıppwl salınadı. Bio jıl işinde qaytalanğan jağdayda – 5 AEK boyınşa (11 345 teñge).

Sonday-aq, WOS ardagerleri, jastayınan mügedekter men İ jäne İİ toptağı mügedekter, Altın Qıran ordeni jäne «Halık kaharmanı» atağımen marapattalğandar, köp balalı analar, «Altın alqa» jäne «Kümis alqa» ieleri, Semey yadrolıq poligonındağı yadrolıq sınaqtardıñ saldarınan zardap şekkender, Auğanstan soğısınıñ ardagerleri men mügedekteri, jergilikti wrıs kezderi men şwğıl äreket etu qızmetiniñ qızmetkerleri kölik qoyatın orındardı tegin paydalanu qwqına ie.

“The Qazaq Times”