استانانىڭ نۇرلى جول بۋلۆارىندا كولىك تۇراقتارى اقىلى بولادى

استانانىڭ نۇرجول بۋلۆارىندا اقىلى تۇراقتار پايدا بولادى. كولىك قوياتىن ورىننىڭ تاريفى ءبىر ساعاتقا 100 تەڭگە، ال مۇگەدەكتەرگە تەگىن بولادى.  بۇل تۋرالى استانا قالاسى اكىمدىگىنىڭ ءباسپاسوز قىزمەتى حابارلادى. 

ءباسپاسوز قىزمەتىنىڭ مالىمەتىنشە، جالپى جوبا اياسىندا 472 ورىن اقىلى بولادى. قازىرگى تاڭدا اۆتوكولىك يەلەرىنە نۇرجول بۋلۆارىندا ءتاريفتىڭ قۇنى، تولەم تاسىلدەرىنە قاتىستى جالپى تۇراقتى پايدالانۋ ەرەجەلەرى تۇسىندىرىلۋدە.

تۇراقتارعا تولەم تەك جۇمىس كۇندەرى ساعات 8:00 جانە 20:00 ارالىعىندا جۇرگىزىلەدى. تۇنگى ۋاقىتتا كولىك قوياتىن ورىندار تەگىن بولادى.

كولىك قوياتىن ورىندارعا اقشا تولەۋ نۇرجول بۋلۆارىنداعى تۇراقتىڭ ماڭىندا ورنالاسقان ارنايى پاركوماتتار ارقىلى  جۇرگىزىلەدى. ول ءۇشىن ءاۆتوموبيلدى قويعان جەردىڭ ءنومىرى مەن كولىك قۇرالىنىڭ تىركەۋ ءنومىرىن ەنگىزۋ قاجەت ءارى اقشانى تولەپ بولعان سوڭ تۇبىرتەكتى العان ءجون. تاريفتەۋ مينۋتپەن سانالادى. سونىمەن قاتار، پايدالانباعان ۋاقىتتاعى اقشا تۇراقتىڭ ەسەبىندە ساقتالىپ قالادى، ونى كەلەسى جولدارى پايدالانۋعا بولادى.

تۇراق ورنىنا اقشا تولەنبەگەن جاعدايدا 3 اەك بويىنشا (6 807 تەڭگە) ايىپپۇل سالىنادى. ءبىو جىل ىشىندە قايتالانعان جاعدايدا – 5 اەك بويىنشا (11 345 تەڭگە).

سونداي-اق، ۇوس ارداگەرلەرى، جاستايىنان مۇگەدەكتەر مەن ءى جانە ءىى توپتاعى مۇگەدەكتەر، التىن قىران وردەنى جانە «حالىك كاhارمانى» اتاعىمەن ماراپاتتالعاندار، كوپ بالالى انالار، «التىن القا» جانە «كۇمىس القا» يەلەرى، سەمەي يادرولىق پوليگونىنداعى يادرولىق سىناقتاردىڭ سالدارىنان زارداپ شەككەندەر، اۋعانستان سوعىسىنىڭ ارداگەرلەرى مەن مۇگەدەكتەرى، جەرگىلىكتى ۇرىس كەزدەرى مەن شۇعىل ارەكەت ەتۋ قىزمەتىنىڭ قىزمەتكەرلەرى كولىك قوياتىن ورىنداردى تەگىن پايدالانۋ قۇقىنا يە.

“The Qazaq Times”