Foto: Tengrinews

Osı jılı öñirlerdiñ damu bağdarlamaların qoldauğa respublikalıq byudjetten  jwmsalatın qarjı kölemi 41%-ğa artıp, 545,1 mlrd teñgeni qwraydı. Onıñ işinde 109,3 mlrd teñge "Nwrlı jer" bağdarlaması boyınşa twrğın üy qorına jiberiledi. 104 mlrd teñge mektep bilimin damıtuğa, 71 mlrd teñge jalpı qoldanıstağı avtokölik joldarınıñ sapasın jaqsartuğa jwmsaladı.

Finprom.kz agenttiginiñ mälimetinşe,  2017 jıldıñ tört ayında 142 mlrd teñge bölingen jäne bwl ötken jıldıñ alğaşqı törta ayında jwmsalğan qarjımen salıstırğanda 77%-ğa joğarı.

Jalpı transfertterdiñ eñ köp böligi Astana, Almatı jäne Oñtüstik Qazaqstan oblısına beriledi. Mısalı Astanağa 206,4 mlrd teñge bölinedi jäne bwl ötken jılğa qarağanda 2,5 esege joğarı. Onıñ 47,6 mlrd teñgesi joldardı jäne audandardağı twrğın üylerdi jöndeuge jwmsaladı.

Al Almatığa bölinetin qarjı kerisinşe, 37%-ğa nemese 46,9 mlrd teñgege deyin qısqartılğan. Oñtüstik Qazaqstanğa jiberiletin transfert kölemi eki esege wlğayıp, 42,2 mlrd teñgeni qwraydı.

Sonday-aq, osı jılı respublikalıq byudjetten bölingen subvenciya kölemi (subvenciya - joğarı deñgeydegi byudjetten belgili bir merzimge jäne naqtı maqsatqa bölinetin qarjı) birden artqan. Mısalı ötken jılı bwl qarajat kölemi 836,9 mlrd teñgeni qwrasa, osı jılı 1,5 trln teñge (+78%) bolmaq. Onsızda osı jıldıñ tört ayında jergilikti byudjetke 423,3 mlrd teñge bölingen jäne bwl ötken jılğa qarağanda 55%-ğa joğarı.

Sonımen subvenciyanı 16 oblıstıñ işinde 12 oblıs (Almatı, Astana, Mañğıstau jäne Atırau oblısınan bölek) aladı. Eñ köp subvensiya Oñtüstik Qazaqstan oblısına (85,8 mlrd teñge) beriledi.

“The Qazaq Times”