وڭىرلەردەگى مەملەكەتتىك باعدارلامالاردى قولداۋعا كەتكەن شىعىن كوبەيدى

وسى جىلى وڭىرلەردىڭ دامۋ باعدارلامالارىن قولداۋعا رەسپۋبليكالىق بيۋدجەتتەن  جۇمسالاتىن قارجى كولەمى 41%-عا ارتىپ، 545,1 ملرد تەڭگەنى قۇرايدى. ونىڭ ىشىندە 109,3 ملرد تەڭگە "نۇرلى جەر" باعدارلاماسى بويىنشا تۇرعىن ءۇي قورىنا جىبەرىلەدى. 104 ملرد تەڭگە مەكتەپ ءبىلىمىن دامىتۋعا، 71 ملرد تەڭگە جالپى قولدانىستاعى اۆتوكولىك جولدارىنىڭ ساپاسىن جاقسارتۋعا جۇمسالادى.

Finprom.kz اگەنتتىگىنىڭ مالىمەتىنشە،  2017 جىلدىڭ ءتورت ايىندا 142 ملرد تەڭگە بولىنگەن جانە بۇل وتكەن جىلدىڭ العاشقى ءتورتا ايىندا جۇمسالعان قارجىمەن سالىستىرعاندا 77%-عا جوعارى.

جالپى ترانسفەرتتەردىڭ ەڭ كوپ بولىگى استانا، الماتى جانە وڭتۇستىك قازاقستان وبلىسىنا بەرىلەدى. مىسالى استاناعا 206,4 ملرد تەڭگە بولىنەدى جانە بۇل وتكەن جىلعا قاراعاندا 2,5 ەسەگە جوعارى. ونىڭ 47,6 ملرد تەڭگەسى جولداردى جانە اۋداندارداعى تۇرعىن ۇيلەردى جوندەۋگە جۇمسالادى.

ال الماتىعا بولىنەتىن قارجى كەرىسىنشە، 37%-عا نەمەسە 46,9 ملرد تەڭگەگە دەيىن قىسقارتىلعان. وڭتۇستىك قازاقستانعا جىبەرىلەتىن ترانسفەرت كولەمى ەكى ەسەگە ۇلعايىپ، 42,2 ملرد تەڭگەنى قۇرايدى.

سونداي-اق، وسى جىلى رەسپۋبليكالىق بيۋدجەتتەن بولىنگەن سۋبۆەنتسيا كولەمى (سۋبۆەنتسيا - جوعارى دەڭگەيدەگى بيۋدجەتتەن بەلگىلى ءبىر مەرزىمگە جانە ناقتى ماقساتقا بولىنەتىن قارجى) بىردەن ارتقان. مىسالى وتكەن جىلى بۇل قاراجات كولەمى 836,9 ملرد تەڭگەنى قۇراسا، وسى جىلى 1,5 ترلن تەڭگە (+78%) بولماق. ونسىزدا وسى جىلدىڭ ءتورت ايىندا جەرگىلىكتى بيۋدجەتكە 423,3 ملرد تەڭگە بولىنگەن جانە بۇل وتكەن جىلعا قاراعاندا 55%-عا جوعارى.

سونىمەن سۋبۆەنتسيانى 16 وبلىستىڭ ىشىندە 12 وبلىس (الماتى، استانا، ماڭعىستاۋ جانە اتىراۋ وبلىسىنان بولەك) الادى. ەڭ كوپ سۋبۆەنسيا وڭتۇستىك قازاقستان وبلىسىنا (85,8 ملرد تەڭگە) بەرىلەدى.

“The Qazaq Times”