qamqor.gov.kz saytındağı qılmıstıq qwqıq bwzuşılıqtar kartasınıñ skrinşotı

Endi belgili bir qaladan päter satıp almas bwrın nemese päter jaldamay twrıp qay audan, qay twrğın üyde nemese qay jerde qılmıstıñ köp nemese az bolatının anıqtauğa boladı. Bügin  Bas prokuraturanıñ Qwqıqtıq statistika jäne arnayı esepke alu komitetiniñ törağası Bağdat Musin men "Kolesa, Krışa, Market" kompaniyasınıñ ökilderi "Interaktivti qılmıstıq karta" jobasın tanıstırdı.

YAğni aldağı uaqıttan bastap Krisha.kz qoldanuşıları özine wnaytın audannan üy satıp alu kezinde nemese päter jaldağısı kelse, sol audandağı qılmıs türleriniñ deñgeyi qanday ekeni jöninde aqparat ala aladı.

"Qılmıstıq qwqıq bwzuşılıq kartasın tek qana qarapayım azamattar ğana qoldanbaydı, ol jergilikti policiya organdarına da arnalğan. Olarğa qwqıq bwzuşılıqtardı baqılauğa alu üşin qajet. Biz birinşi ret bwl qızmetti jartı jıl boyı qwqıq qorğau organdarı qızmetkerlerine tanıstırdıq. Endigi kezeñ azamattarda. Olar bwl özgeristerge motivator boluı kerek. YAğni qandayda bir şaralar qoldanu üşin jeke päter ieleri kooperativteri men uçaskelik policiyağa jaqın bolu qajet. Äri qızmet tek qılmıs deñgeyin qarauğa ğana arnalmağan. Meniñşe, uaqıt öte kele adamdar kartadağı qızıl jasıl tüsterge üyrene bastağan kezde bwl jıljımaytın mülik bağasına da äser etedi.  Men bizde Open data-nıñ jwmıs istegenin qalaymın. Biz sandardıñ tek jelide twra bermey, barlığı azamattarğa qoljetimdi boluı üşin mwnday aqparattıñ qwndılığın arttırğımız keledi", - dedi Bağdat Musin.

Al Krisha.kz saytınıñ jobalar jetekşisi Aleksandr Nagornıy köptegen elderde biznes pen memlekettiñ birlesip jasağan jobaları sirek kezdesetinin ayta kelip, memlekettik organmen birigip jasalğan  "Interaktivti qılmıstıq karta" jobasınıñ tiimdiligin atap ötti.

"Biz jıljımaytın mülikti alğan uaqıtta nemese jaldağan kezde dwrıs şeşim qabıldanuın qamtamasız etkimiz keledi. Aldağı uaqıtta Bas Prokuraturanıñ bastamasımen bolğan joba arqılı Krisha.kz saytınıñ paydalanuşıları audandardağı jağdaydıñ qanşalıqtı tınış ekenin jäne qanday qauipsizdik şaraları qajet bolatının bile aladı", - dedi Aleksandr Nagornıy.

“The Qazaq Times”