qamqor.gov.kz سايتىنداعى قىلمىستىق قۇقىق بۇزۋشىلىقتار كارتاسىنىڭ سكرينشوتى

ەندى بەلگىلى ءبىر قالادان پاتەر ساتىپ الماس بۇرىن نەمەسە پاتەر جالداماي تۇرىپ قاي اۋدان، قاي تۇرعىن ۇيدە نەمەسە قاي جەردە قىلمىستىڭ كوپ نەمەسە از بولاتىنىن انىقتاۋعا بولادى. بۇگىن  باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ توراعاسى باعدات مۋسين مەن "كوليوسا، كرىشا، ماركەت" كومپانياسىنىڭ وكىلدەرى "ينتەراكتيۆتى قىلمىستىق كارتا" جوباسىن تانىستىردى.

ياعني الداعى ۋاقىتتان باستاپ Krisha.kz قولدانۋشىلارى وزىنە ۇنايتىن اۋداننان ءۇي ساتىپ الۋ كەزىندە نەمەسە پاتەر جالداعىسى كەلسە، سول اۋدانداعى قىلمىس تۇرلەرىنىڭ دەڭگەيى قانداي ەكەنى جونىندە اقپارات الا الادى.

"قىلمىستىق قۇقىق بۇزۋشىلىق كارتاسىن تەك قانا قاراپايىم ازاماتتار عانا قولدانبايدى، ول جەرگىلىكتى پوليتسيا ورگاندارىنا دا ارنالعان. ولارعا قۇقىق بۇزۋشىلىقتاردى باقىلاۋعا الۋ ءۇشىن قاجەت. ءبىز ءبىرىنشى رەت بۇل قىزمەتتى جارتى جىل بويى قۇقىق قورعاۋ ورگاندارى قىزمەتكەرلەرىنە تانىستىردىق. ەندىگى كەزەڭ ازاماتتاردا. ولار بۇل وزگەرىستەرگە موتيۆاتور بولۋى كەرەك. ياعني قاندايدا ءبىر شارالار قولدانۋ ءۇشىن جەكە پاتەر يەلەرى كووپەراتيۆتەرى مەن ۋچاسكەلىك پوليتسياعا جاقىن بولۋ قاجەت. ءارى قىزمەت تەك قىلمىس دەڭگەيىن قاراۋعا عانا ارنالماعان. مەنىڭشە، ۋاقىت وتە كەلە ادامدار كارتاداعى قىزىل جاسىل تۇستەرگە ۇيرەنە باستاعان كەزدە بۇل جىلجىمايتىن مۇلىك باعاسىنا دا اسەر ەتەدى.  مەن بىزدە Open data-نىڭ جۇمىس ىستەگەنىن قالايمىن. ءبىز سانداردىڭ تەك جەلىدە تۇرا بەرمەي، بارلىعى ازاماتتارعا قولجەتىمدى بولۋى ءۇشىن مۇنداي اقپاراتتىڭ قۇندىلىعىن ارتتىرعىمىز كەلەدى", - دەدى باعدات مۋسين.

ال Krisha.kz سايتىنىڭ جوبالار جەتەكشىسى الەكساندر ناگورنىي كوپتەگەن ەلدەردە بيزنەس پەن مەملەكەتتىڭ بىرلەسىپ جاساعان جوبالارى سيرەك كەزدەسەتىنىن ايتا كەلىپ، مەملەكەتتىك ورگانمەن بىرىگىپ جاسالعان  "ينتەراكتيۆتى قىلمىستىق كارتا" جوباسىنىڭ تيىمدىلىگىن اتاپ ءوتتى.

ء"بىز جىلجىمايتىن مۇلىكتى العان ۋاقىتتا نەمەسە جالداعان كەزدە دۇرىس شەشىم قابىلدانۋىن قامتاماسىز ەتكىمىز كەلەدى. الداعى ۋاقىتتا باس پروكۋراتۋرانىڭ باستاماسىمەن بولعان جوبا ارقىلى Krisha.kz سايتىنىڭ پايدالانۋشىلارى اۋداندارداعى جاعدايدىڭ قانشالىقتى تىنىش ەكەنىن جانە قانداي قاۋىپسىزدىك شارالارى قاجەت بولاتىنىن بىلە الادى", - دەدى الەكساندر ناگورنىي.

“The Qazaq Times”