Foto: BNews.kz

«Eyr Astana» 14 mausımnan bastap Oral-Frankfurt bağıtında tikeley reys aştı. Eki bağıtta da ekonom klass üşin bilettiñ ortaşa bağası 154 935 teñgeni qwraydı. Bwl turalı «Eyr Astana» AQ korporativtik qarım-qatınas departamenti habarladı. 

"Jaña bağıt Oral qalasındağı halıqtıñ  halıqaralıq tasımalğa degen swranısınıñ artqanın bildiredi. Öñirde energiya, mineraldı resurstar öndirisi, maşina jasau isi jaqsı damığan. Agrarlıq öndiristiñ de jergilikti ekonomikada mañızı zor. Seriktester men äue kompaniyası arasında bolğan kelissözderdiñ arqasında osı reystiñ jolauşıları Frankfurt arqılı Europağa, Soltüstik Amerikağa qatınay aladı", - delingen äuekompaniyasınıñ habarlamasında.

Wşu Airbus A320 äue kemesi arqılı ekonom (132 orın) jäne biznes klasta (16 orın) är särsenbi sayın jüzege asadı. Wşu uaqıtı - 4 sağat 20 minut.

Ayta keteyik, bwdan bölek «Eyr Astana» 2017 jıldıñ 2 şildesinen bastap aptasına üş ret Astana — Deli — Astana bağıtı boyınşa äue reysin aşatının habarlağan.

“The Qazaq Times”