Foto: Kazrabat.kz

Qazaqstannıñ JİÖ-iniñ ösimi qañtar-mamırda 4,1%-dı qwradı, bwl turalı Wlttıq ekonomika ministri Timur Süleymenov mälimdedi.

«Aldın ala bağalau boyınşa, 2017 jılğı qañtar-mamır aylarında JİÖ ösimi 2016 jılğı säykes kezeñge qarağanda 4,1%-dı qwradı», - dedi ol seysenbidegi Qazaqstan ükimetiniñ otırısında.

Inflyaciya jıl basınan beri (2017 jılğı mamırda 2016 jılğı jeltoqsanğa) 3,3%dı qwradı. Jıldıq inflyaciya 2016 jılğı mamırdağı 16,7%-ğa qarsı 7,5%-dı qwradı. Aylıq inflyaciya ağımdağı jılğı mamırda 0,5%-dı qwradı.

Süleymenov keltirgen derekterge qarağanda, negizgi kapitalğa salınğan investiciyalar kölemi 5,2%-ğa (a.j. qañtar-naurızdağı 3,1%-dan a.j. qañtar-säuirde 5,5%-ğa) wlğaydı. Ösimge «Nwrlı jol» jäne «IIDMB» Memlekettik bağdarlamalarınıñ ayasındağı industriyalıq-innovaciyalıq jäne infraqwrılımdıq jobalardıñ jüzege asırıluı negiz boldı.

Halıqtıñ jan basına şaqqandağı ataulı aqşalay tabısı 2017 jılğı qañtar-säuirde 308,4 mıñ teñgeni qwradı jäne 2016 jılğı säykes kezeñmen salıstırğanda ataulı mände 8,2%-ğa, naqtı mände 0,5%-ğa östi.

Jwmıssızdıq deñgeyi 2017 jılğı säuirde  (bağalau) 4,9%-dı qwradı.

Öñirlerde önerkäsip öndirisi köleminiñ ösimi 13 öñirde, tömendeui 3 öñirde bayqaladı.

Önerkäsip ösiminiñ anağwrlım joğarı qarqını Atırau (18,6%) jäne Batıs Qazaqstan (14,9%-ğa) oblıstarında bayqaladı.

Önerkäsiptiñ edäuir tömendeui Qızılorda oblısında (2,9%-ğa) tirkeldi.

Auıl şaruaşılığı jalpı öniminiñ ösimi mal şaruaşılığı önimderi öndirisiniñ 2,8%-ğa wlğayuı esebinen 2,7%-dı qwradı.

Qwrılıs jwmıstarınıñ kölemi 5,1%-ğa wlğaydı.

“The Qazaq Times”