قازاقستاننىڭ ءجىو-ءىنىڭ ءوسىمى قاڭتار-مامىردا 4,1%-دى قۇرادى، بۇل تۋرالى ۇلتتىق ەكونوميكا ءمينيسترى تيمۋر سۇلەيمەنوۆ مالىمدەدى.
«الدىن الا باعالاۋ بويىنشا، 2017 جىلعى قاڭتار-مامىر ايلارىندا ءجىو ءوسىمى 2016 جىلعى سايكەس كەزەڭگە قاراعاندا 4,1%-دى قۇرادى»، - دەدى ول سەيسەنبىدەگى قازاقستان ۇكىمەتىنىڭ وتىرىسىندا.
ينفلياتسيا جىل باسىنان بەرى (2017 جىلعى مامىردا 2016 جىلعى جەلتوقسانعا) 3,3%دى قۇرادى. جىلدىق ينفلياتسيا 2016 جىلعى مامىرداعى 16,7%-عا قارسى 7,5%-دى قۇرادى. ايلىق ينفلياتسيا اعىمداعى جىلعى مامىردا 0,5%-دى قۇرادى.
سۇلەيمەنوۆ كەلتىرگەن دەرەكتەرگە قاراعاندا، نەگىزگى كاپيتالعا سالىنعان ينۆەستيتسيالار كولەمى 5,2%-عا (ا.ج. قاڭتار-ناۋرىزداعى 3,1%-دان ا.ج. قاڭتار-ساۋىردە 5,5%-عا) ۇلعايدى. وسىمگە «نۇرلى جول» جانە «يدمب» مەملەكەتتىك باعدارلامالارىنىڭ اياسىنداعى يندۋستريالىق-يننوۆاتسيالىق جانە ينفراقۇرىلىمدىق جوبالاردىڭ جۇزەگە اسىرىلۋى نەگىز بولدى.
حالىقتىڭ جان باسىنا شاققانداعى اتاۋلى اقشالاي تابىسى 2017 جىلعى قاڭتار-ساۋىردە 308,4 مىڭ تەڭگەنى قۇرادى جانە 2016 جىلعى سايكەس كەزەڭمەن سالىستىرعاندا اتاۋلى ماندە 8,2%-عا، ناقتى ماندە 0,5%-عا ءوستى.
جۇمىسسىزدىق دەڭگەيى 2017 جىلعى ساۋىردە (باعالاۋ) 4,9%-دى قۇرادى.
وڭىرلەردە ونەركاسىپ ءوندىرىسى كولەمىنىڭ ءوسىمى 13 وڭىردە، تومەندەۋى 3 وڭىردە بايقالادى.
ونەركاسىپ ءوسىمىنىڭ اناعۇرلىم جوعارى قارقىنى اتىراۋ (18,6%) جانە باتىس قازاقستان (14,9%-عا) وبلىستارىندا بايقالادى.
ونەركاسىپتىڭ ەداۋىر تومەندەۋى قىزىلوردا وبلىسىندا (2,9%-عا) تىركەلدى.
اۋىل شارۋاشىلىعى جالپى ءونىمىنىڭ ءوسىمى مال شارۋاشىلىعى ونىمدەرى ءوندىرىسىنىڭ 2,8%-عا ۇلعايۋى ەسەبىنەن 2,7%-دى قۇرادى.
قۇرىلىس جۇمىستارىنىڭ كولەمى 5,1%-عا ۇلعايدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى