Foto: Kapital.kz

Qazaqstanda jwmıs istemey twrğan käsiporındar bwdan äri iske qosılmauı mümkin. Bwl turalı QR Investiciyalar jäne damu ministri Jeñis Qasımbek halıq aldındağı eseptik kezdesuinde ayttı.

Onıñ sözinşe, käsiporındar jwmısınıñ dwrıs jürgizilmeui teñgeniñ qwnsızdanuımen baylanıstı.

"Dağdarıs kezinde "Industrializaciya kartası" bağdarlaması ayasında salınğan 72 käsiporın jwmıs istemey twrıp qaldı. Bwl kompaniya problemalarınıñ sebebi ärtürli: bireui deval'vaciya kezinde teñge kursınıñ özgeru saldarına tap boldı, endi biri teñge qwnsızdanğanğa deyin kredit aldı, narıq jağdayı özgerdi. YAğni türli sebep bar. Qazirgi kezde osı käsiporındardıñ tek 19-ı ğana twraqtı istep twr. 50%-ında qiındıqtar bar. 6-7 käsiporındı iske qosa almauımız mümkin. Al qalğan 20-40%-ı qiındıqtıñ ärtürli deñgeyinde", - dedi Qasımbek.

Sonday-aq, eseptik kezdesu kezinde ministr Qazaqstannıñ logistika tiimdiligi jönindegi halıqaralıq reytingte 77 orında ekenin atap ötti. Onıñ sözinşe, logistika tiimdiliginiñ ösimine Qıtay-Europa-Qıtay bağıtındağı tranzittik tasımaldıñ eki esege ösui (104 mıñ konteyner) äser etip otır.

"2017 jılı konteynerler sanın 320 mııñ birlikke arttıru josparlanıp otır. Onıñ 165 mıñı Qıtay-Europa-Qıtay" bağıtında boladı", - dedi Jeñis Qasımbek.

Sonday-aq, ol  2016 jılı jalpı tartılğan investiciyalar kölemi  40%-ğa ösip,  $20,6 mlrd bolğanın mälimdedi.

“The Qazaq Times”