قازاقستاندا جۇمىس ىستەمەي تۇرعان كاسىپورىندار بۇدان ءارى ىسكە قوسىلماۋى مۇمكىن. بۇل تۋرالى قر ينۆەستيتسيالار جانە دامۋ ءمينيسترى جەڭىس قاسىمبەك حالىق الدىنداعى ەسەپتىك كەزدەسۋىندە ايتتى.
ونىڭ سوزىنشە، كاسىپورىندار جۇمىسىنىڭ دۇرىس جۇرگىزىلمەۋى تەڭگەنىڭ قۇنسىزدانۋىمەن بايلانىستى.
"داعدارىس كەزىندە "يندۋسترياليزاتسيا كارتاسى" باعدارلاماسى اياسىندا سالىنعان 72 كاسىپورىن جۇمىس ىستەمەي تۇرىپ قالدى. بۇل كومپانيا پروبلەمالارىنىڭ سەبەبى ءارتۇرلى: بىرەۋى دەۆالۆاتسيا كەزىندە تەڭگە كۋرسىنىڭ وزگەرۋ سالدارىنا تاپ بولدى، ەندى ءبىرى تەڭگە قۇنسىزدانعانعا دەيىن كرەديت الدى، نارىق جاعدايى وزگەردى. ياعني ءتۇرلى سەبەپ بار. قازىرگى كەزدە وسى كاسىپورىنداردىڭ تەك 19-ى عانا تۇراقتى ىستەپ تۇر. 50%-ىندا قيىندىقتار بار. 6-7 كاسىپورىندى ىسكە قوسا الماۋىمىز مۇمكىن. ال قالعان 20-40%-ى قيىندىقتىڭ ءارتۇرلى دەڭگەيىندە", - دەدى قاسىمبەك.
سونداي-اق، ەسەپتىك كەزدەسۋ كەزىندە مينيستر قازاقستاننىڭ لوگيستيكا تيىمدىلىگى جونىندەگى حالىقارالىق رەيتينگتە 77 ورىندا ەكەنىن اتاپ ءوتتى. ونىڭ سوزىنشە، لوگيستيكا تيىمدىلىگىنىڭ وسىمىنە قىتاي-ەۋروپا-قىتاي باعىتىنداعى ترانزيتتىك تاسىمالدىڭ ەكى ەسەگە ءوسۋى (104 مىڭ كونتەينەر) اسەر ەتىپ وتىر.
"2017 جىلى كونتەينەرلەر سانىن 320 مىىڭ بىرلىككە ارتتىرۋ جوسپارلانىپ وتىر. ونىڭ 165 مىڭى قىتاي-ەۋروپا-قىتاي" باعىتىندا بولادى", - دەدى جەڭىس قاسىمبەك.
سونداي-اق، ول 2016 جىلى جالپى تارتىلعان ينۆەستيتسيالار كولەمى 40%-عا ءوسىپ، $20,6 ملرد بولعانىن مالىمدەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى