Foto: inform.kz

Astanada EKSPO-2017 ayasındağı energetika jönindegi segizinşi halıqaralıq forumnıñ jwmısın aşqan «Energetikanıñ twraqtı damuın qamtamasız etu» Ministrlik konferenciyası ötti dep habarlaydı Qazaqstan Respublikasınıñ Prem'er-Ministriniñ baspasöz qızmeti.

QR Prem'er-Ministri Baqıtjan Sağıntaev Memleket basşısı Nwrswltan Nazarbaevtıñ Qazaqstannıñ qarqındı damuşı, älemdik energetikanıñ wzaq merzimdi äri twraqtı damuın qamtamasız etu strategiyasın wstanatın memleket retinde qalıptasuındağı erekşe rölin atap körsetken bolatın.

B. Sağıntaev Ministrlik konferenciya men Segizinşi forumnıñ BWW-nıñ bes Öñirlik komissiyasınıñ qoldauınıñ arqasında ötkizilgenin ayttı. Atalğan jwmıstıñ nätijesi energetika salasına qızığuşılıq tanıtqan barlıq taraptardıñ wzaq merzimdi ıntımaqtastığın nığaytu boladı. Konferenciya deklaraciyasınıñ  erejeleri «EKSPO-2017 qwndılıqtarınıñ ündeuhatına» engiziledi.

«2013 jılı Qazaqstan «jasıl»  ekonomikağa köşu jönindegi Twjırımdamanı qabıldadı. Ol öz kezeginde eldiñ energetikalıq sektorında jüyeli türlenuge tiisti jağday jasadı. 2016 jılı biz klimattıq bağıttağı Parij kelisimin ratifikaciyalau arqılı parniktik gazdardı azaytu boyınşa mindettemelerdi aldıq. Qazirgi kezde Ükimet Qazaqstan ekonomikasınıñ üşinşi jañğıruı bağıtında jwmıs istep jatır. Osı orayda «jasıl» ekonomika ayasındağı reformamız 2050 jılğa qaray bizge Qazaqstannıñ Jalpı işki önimin üş payızğa arttıruğa mümkindik beredi dep josparlaudamız. Bwl twrğıda 500 mıñ jaña jwmıs orındarın qwruğa, önerkäsip men qızmet körsetudiñ jaña sektorların qalıptastıruğa, ömir süru sapasın köteruge jağday jasaladı. Energiya är adamnıñ ömirinde örkeniettiñ fudamentaldı qajettigi bolıp tabıladı», - dedi. B. Sağıntaev.

Twraqtı damu energetikası jönindegi segizinşi halıqaralıq forum men «Energetikanıñ twraqtı damuın qamtamasız etu» Ministrlik konferenciyasınıñ negizgi taqırıptarı energetikalıq qauipsizdik, sauda jäne infraqwrılım, energiya, klimat jäne azıq-tüliktiñ özara baylanısı, sonımen qatar jañğırtılatın energetikanı öñirlik twrğıdan damıtu bolıp tabıladı.

“The Qazaq Times”