فوتو: inform.kz

استانادا ەكسپو-2017 اياسىنداعى ەنەرگەتيكا جونىندەگى سەگىزىنشى حالىقارالىق فورۋمنىڭ جۇمىسىن اشقان «ەنەرگەتيكانىڭ تۇراقتى دامۋىن قامتاماسىز ەتۋ» مينيسترلىك كونفەرەنتسياسى ءوتتى دەپ حابارلايدى قازاقستان رەسپۋبليكاسىنىڭ پرەمەر-ءمينيسترىنىڭ ءباسپاسوز قىزمەتى.

قر پرەمەر-ءمينيسترى باقىتجان ساعىنتاەۆ مەملەكەت باسشىسى نۇرسۇلتان نازارباەۆتىڭ قازاقستاننىڭ قارقىندى دامۋشى، الەمدىك ەنەرگەتيكانىڭ ۇزاق مەرزىمدى ءارى تۇراقتى دامۋىن قامتاماسىز ەتۋ ستراتەگياسىن ۇستاناتىن مەملەكەت رەتىندە قالىپتاسۋىنداعى ەرەكشە ءرولىن اتاپ كورسەتكەن بولاتىن.

ب. ساعىنتاەۆ مينيسترلىك كونفەرەنتسيا مەن سەگىزىنشى فورۋمنىڭ بۇۇ-نىڭ بەس وڭىرلىك كوميسسياسىنىڭ قولداۋىنىڭ ارقاسىندا وتكىزىلگەنىن ايتتى. اتالعان جۇمىستىڭ ناتيجەسى ەنەرگەتيكا سالاسىنا قىزىعۋشىلىق تانىتقان بارلىق تاراپتاردىڭ ۇزاق مەرزىمدى ىنتىماقتاستىعىن نىعايتۋ بولادى. كونفەرەنتسيا دەكلاراتسياسىنىڭ  ەرەجەلەرى «ەكسپو-2017 قۇندىلىقتارىنىڭ ۇندەۋحاتىنا» ەنگىزىلەدى.

«2013 جىلى قازاقستان «جاسىل»  ەكونوميكاعا كوشۋ جونىندەگى تۇجىرىمدامانى قابىلدادى. ول ءوز كەزەگىندە ەلدىڭ ەنەرگەتيكالىق سەكتورىندا جۇيەلى تۇرلەنۋگە ءتيىستى جاعداي جاسادى. 2016 جىلى ءبىز كليماتتىق باعىتتاعى پاريج كەلىسىمىن راتيفيكاتسيالاۋ ارقىلى پارنيكتىك گازداردى ازايتۋ بويىنشا مىندەتتەمەلەردى الدىق. قازىرگى كەزدە ۇكىمەت قازاقستان ەكونوميكاسىنىڭ ءۇشىنشى جاڭعىرۋى باعىتىندا جۇمىس ىستەپ جاتىر. وسى ورايدا «جاسىل» ەكونوميكا اياسىنداعى رەفورمامىز 2050 جىلعا قاراي بىزگە قازاقستاننىڭ جالپى ىشكى ءونىمىن ءۇش پايىزعا ارتتىرۋعا مۇمكىندىك بەرەدى دەپ جوسپارلاۋدامىز. بۇل تۇرعىدا 500 مىڭ جاڭا جۇمىس ورىندارىن قۇرۋعا، ونەركاسىپ مەن قىزمەت كورسەتۋدىڭ جاڭا سەكتورلارىن قالىپتاستىرۋعا، ءومىر ءسۇرۋ ساپاسىن كوتەرۋگە جاعداي جاسالادى. ەنەرگيا ءار ادامنىڭ ومىرىندە وركەنيەتتىڭ فۋدامەنتالدى قاجەتتىگى بولىپ تابىلادى»، - دەدى. ب. ساعىنتاەۆ.

تۇراقتى دامۋ ەنەرگەتيكاسى جونىندەگى سەگىزىنشى حالىقارالىق فورۋم مەن «ەنەرگەتيكانىڭ تۇراقتى دامۋىن قامتاماسىز ەتۋ» مينيسترلىك كونفەرەنتسياسىنىڭ نەگىزگى تاقىرىپتارى ەنەرگەتيكالىق قاۋىپسىزدىك، ساۋدا جانە ينفراقۇرىلىم، ەنەرگيا، كليمات جانە ازىق-تۇلىكتىڭ ءوزارا بايلانىسى، سونىمەن قاتار جاڭعىرتىلاتىن ەنەرگەتيكانى وڭىرلىك تۇرعىدان دامىتۋ بولىپ تابىلادى.

“The Qazaq Times”