Qazaqstan men Qıtay arasında qwnı 7 mlrd dollardı qwraytın 22 kelisimge qol qoyıladı. Bwl turalı Qazaqstan-Qıtay iskerlik keñesiniñ (QQİK) törtinşi otırısında "Samwrıq-Qazına" AQ basqarma törağası jäne keñestiñ qosımşa törağası Ömirzaq Şökeev mälimdedi.

"Bügin Qazaqstan-Qıtay iskerlik keñesiniñ otırısı ayasında kompaniyalar qwnı 7 mlrd dollar bolatın 22 kelisimge qol qoyadı", - dedi Ömirzaq Şökeev QQİK-niñ plenarlı otırısında.

Onıñ sözinşe, dayındalğan qwjattardıñ arasında Qıtaydıñ melmekettik damu banki arqılı 3 mlrd dollar köleminde jeñildetilgen şartpen kredit beru turalı kelisim bar.

Sonday-aq, onıñ aytuınşa, Atırau oblısında metanol jäne ammiaktı auqımdı öndiru jobası üşin Qazaqstanğa $ 1 mlrd beru turalı kelisimge qol qoyıladı.

"Samwrıq-Qazına" AQ basşısınıñ sözinşe, iskerlik keñes osıdan tört jıl bwrın QR Prezidenti Nwrswltan Nazarbaevtıñ Qıtayğa saparı kezinde qwrılğan. "Osı uaqıt aralığında keñes öziniñ tiimdiligin körsetti. Qazirgi kezde qazaqstan-qıtay investiciyalıq portfelinde jalpı qwnı 28 mlrd dollardı qwraytın 51 joba bar", - deydi Şökeev.

Şökeevtiñ aytuınşa, bwl jobalar  mwnay-gaz, himiya, energetika, kölik, auıl şaruaşılığı, tau-ken jäne metaldar men injenerlik sektorların qamtidı. YAğni qarjı osı salalarğa jwmsaladı. Sonday-aq, qıtaylıq investiciya "Samwrıq-Qazına" kompaniyalar tobınıñ 14jobasına jwmsaladı.

“The Qazaq Times”