Foto: Kursiv.kz

QR Wlttıq banki Qazaqstannıñ ekonomikalıq ösimi qanday bolatının boljadı. Bas banktiñ mälimetine sensek, Qazaqstannıñ ekonomikalıq ösu qarqını 2017 jılı 2,8%-ğa deyin (aldıñğı boljamdıq raund 2,2%) jäne 2018 jılı 3,6%-ğa deyin jedeldetiledi.

"Ösu qarqının qayta qarau 2017 jılğı 1 toqsandağı Qazaqstan ekonomikasınıñ qalpına keluimen baylanıstı. Aldıñğı boljamdıq raundta 2017 jılı işki swranıstıñ bir qalıptı ösu serpini jäne 2018 jılı onıñ jedeldetilui kütilgen. Bwl rette 2017 jıldıñ basında ekonomikalıq belsendiliktiñ qalpına keluiniñ barınşa senimdi qarqını bayqaladı: öndiris kölemderiniñ ösui ekonomikanıñ barlıq negizgi salalarında bayqaldı, negizgi kapitalğa investiciyalardıñ ösui saqtaldı", - delingen Wlttıq banktiñ habarlamasında.

Osılayşa, 2017 jıldıñ joğarı bazası 2018 jılı İJÖ-niñ ösu qarqının qayta qarauğa ıqpal etken. Bwl rette boljam jasalğan kezeñde ekonomikalıq ösudiñ alğışarttarı özgermegen. YAğni aldağı uaqıtta jalaqınıñ köterilui, negizgi kapitalğa investiciyanıñ ösui, mineraldı resurstardı öndiru jäne şığaru köleminiñ ösui siyaqtı ürdister bayqaladı dep kütilude.

"2018 jılı naqtı İJÖ ekonomikadağı inflyaciyalıq qısımdı küşeyte otırıp, öziniñ äleuetti mäninen joğarı boladı", - delingen habarlamada.

“The Qazaq Times”