قر ۇلتتىق بانكى قازاقستاننىڭ ەكونوميكالىق ءوسىمى قانداي بولاتىنىن بولجادى. باس بانكتىڭ مالىمەتىنە سەنسەك، قازاقستاننىڭ ەكونوميكالىق ءوسۋ قارقىنى 2017 جىلى 2,8%-عا دەيىن (الدىڭعى بولجامدىق راۋند 2,2%) جانە 2018 جىلى 3,6%-عا دەيىن جەدەلدەتىلەدى.
ء"وسۋ قارقىنىن قايتا قاراۋ 2017 جىلعى 1 توقسانداعى قازاقستان ەكونوميكاسىنىڭ قالپىنا كەلۋىمەن بايلانىستى. الدىڭعى بولجامدىق راۋندتا 2017 جىلى ىشكى سۇرانىستىڭ ءبىر قالىپتى ءوسۋ سەرپىنى جانە 2018 جىلى ونىڭ جەدەلدەتىلۋى كۇتىلگەن. بۇل رەتتە 2017 جىلدىڭ باسىندا ەكونوميكالىق بەلسەندىلىكتىڭ قالپىنا كەلۋىنىڭ بارىنشا سەنىمدى قارقىنى بايقالادى: ءوندىرىس كولەمدەرىنىڭ ءوسۋى ەكونوميكانىڭ بارلىق نەگىزگى سالالارىندا بايقالدى، نەگىزگى كاپيتالعا ينۆەستيتسيالاردىڭ ءوسۋى ساقتالدى", - دەلىنگەن ۇلتتىق بانكتىڭ حابارلاماسىندا.
وسىلايشا، 2017 جىلدىڭ جوعارى بازاسى 2018 جىلى ءىجو-ءنىڭ ءوسۋ قارقىنىن قايتا قاراۋعا ىقپال ەتكەن. بۇل رەتتە بولجام جاسالعان كەزەڭدە ەكونوميكالىق ءوسۋدىڭ العىشارتتارى وزگەرمەگەن. ياعني الداعى ۋاقىتتا جالاقىنىڭ كوتەرىلۋى، نەگىزگى كاپيتالعا ينۆەستيتسيانىڭ ءوسۋى، مينەرالدى رەسۋرستاردى ءوندىرۋ جانە شىعارۋ كولەمىنىڭ ءوسۋى سياقتى ۇردىستەر بايقالادى دەپ كۇتىلۋدە.
"2018 جىلى ناقتى ءىجو ەكونوميكاداعى ينفلياتسيالىق قىسىمدى كۇشەيتە وتىرىپ، ءوزىنىڭ الەۋەتتى مانىنەن جوعارى بولادى", - دەلىنگەن حابارلامادا.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى