Foto: nalog.ru

Qazaqstanda şeteldiñ biznesi öziniñ mümkindigin artırıp jatır. Bir jıl işinde şeteldikterdiñ ieligindegi nemese şetel azamattarı qatısqan kompaniyalardıñ sanı birden 25%-ğa artıp,3,4 mıñ wyımğa artqan. Mwnday mälimetti Finprom.kz agenttigi keltirgen. 

Al Qazaqstandağı jalpı şeteldik nemese şeteldik emes käsiporındardıñ ösimi 2016 jıldıñ säuir ayınan beri 7%-dı qwradı.

Sonday-aq, şeteldik kompaniyalardıñ biznes ortadağı ülesi ötken jılmen salıstırğanda 5,9%-dan 6,9%-ğa ösken. Agenttiktiñ mälimetinşe, elemizdegi şeteldik qwjatpen tirkelgen kompaniyalardıñ köbeyui el ekonomikasındağı şeteldik investiciya köleminiñ artuımen baylanıstı.

Ayta keteyik, ötken jılı Qazaqstanğa şetelden kelgen tikeley investiciya kölemi 40%-ğa köbeyip, 20,6 mlrd dollarğa deyin jetti.

Sonımen eñ köp şeteldik kompaniyalar sauda salasında jwmıs istep jatır. 2017 jıldıñ säuir ayındağı nätije boyınşa Qazaqstannıñ sauda salasında 6,7 mıñ şeteldik kompaniya jwmıs isteude. Körsetkiş ötken jılmen salıstırğanda 1,3 mıñğa artıq.

Sonday-aq, şeteldik käsiporındar qwrılıs, öndiruşi önerkäsip salalarında köbeygen.

“The Qazaq Times”