قازاقستاندا شەتەلدىك كومپانيالار كوبەيدى

قازاقستاندا شەتەلدىڭ بيزنەسى ءوزىنىڭ مۇمكىندىگىن ارتىرىپ جاتىر. ءبىر جىل ىشىندە شەتەلدىكتەردىڭ يەلىگىندەگى نەمەسە شەتەل ازاماتتارى قاتىسقان كومپانيالاردىڭ سانى بىردەن 25%-عا ارتىپ،3,4 مىڭ ۇيىمعا ارتقان. مۇنداي مالىمەتتى Finprom.kz اگەنتتىگى كەلتىرگەن. 

ال قازاقستانداعى جالپى شەتەلدىك نەمەسە شەتەلدىك ەمەس كاسىپورىنداردىڭ ءوسىمى 2016 جىلدىڭ ءساۋىر ايىنان بەرى 7%-دى قۇرادى.

سونداي-اق، شەتەلدىك كومپانيالاردىڭ بيزنەس ورتاداعى ۇلەسى وتكەن جىلمەن سالىستىرعاندا 5,9%-دان 6,9%-عا وسكەن. اگەنتتىكتىڭ مالىمەتىنشە، ەلەمىزدەگى شەتەلدىك قۇجاتپەن تىركەلگەن كومپانيالاردىڭ كوبەيۋى ەل ەكونوميكاسىنداعى شەتەلدىك ينۆەستيتسيا كولەمىنىڭ ارتۋىمەن بايلانىستى.

ايتا كەتەيىك، وتكەن جىلى قازاقستانعا شەتەلدەن كەلگەن تىكەلەي ينۆەستيتسيا كولەمى 40%-عا كوبەيىپ، 20,6 ملرد دوللارعا دەيىن جەتتى.

سونىمەن ەڭ كوپ شەتەلدىك كومپانيالار ساۋدا سالاسىندا جۇمىس ىستەپ جاتىر. 2017 جىلدىڭ ءساۋىر ايىنداعى ناتيجە بويىنشا قازاقستاننىڭ ساۋدا سالاسىندا 6,7 مىڭ شەتەلدىك كومپانيا جۇمىس ىستەۋدە. كورسەتكىش وتكەن جىلمەن سالىستىرعاندا 1,3 مىڭعا ارتىق.

سونداي-اق، شەتەلدىك كاسىپورىندار قۇرىلىس، ءوندىرۋشى ونەركاسىپ سالالارىندا كوبەيگەن.

“The Qazaq Times”